વિશ્વભરના ઘણા લોકો જે અનઆઈડેટિફાઈડ ફ્લાઈંગ ઓબ્જેક્ટ જેવી રહસ્યમય વસ્તુમાં વિશ્વાસ કરે છે. આ દિવસ તેમના માટે ઉજવવામાં આવે છે. જુલાઈમાં તમને ઘણા એવા લોકો અદ્રશ્ય વસ્તુને જોવા અગાશીમાં ટેલીસ્કોપ લઈને નિહારતા જોવા મળશે. હજી સુધી, કોઈ મજબૂત પુરાવા નથી કે આપણે કહી શકીએ કે એલિયન્સ પણ અસ્તિત્વમાં છે.
એવી કેટલીક વિચિત્ર વસ્તુઓ આકાશમાં ઘણી વખત ઉડતી જોવા મળી જેને ઉડન તશ્તરી તરીકે ઓળખાવી. સૂત્રો મુજબ જર્મનીના ન્યુરેમબર્ગમાં પહેલી વાર એપ્રિલ 1561 માં લોકોએ આકાશમાં મોટા 'ગ્લોબ્સ', જાયન્ટ 'ક્રોસ' અને વિચિત્ર 'પ્લેટો' જેવી વસ્તુઓ જોઇ હોવાનો દાવો કર્યો હતો. તે સમયના ચિત્રો અને લાકડાની કટિંગ દ્વારા એ ઘટનાની માહિતી મળે છે. .
World UFO Day સાથે જોડાયેલ કેટલીક ખાસ વાતો
વર્ષ 2001થી વિશ્વ યુએફઓ દિવસ ઉજવવામાં આવે છે. તેનો ઉદ્દેશ્ય છે UFO અને એલિયન્સની હાજરીની ચર્ચા થાય અને સાર્વજનિકરૂપે તેના પર રિસર્ચ કરવામાં આવે અગાઉ તે 24 જૂન અને 2 જુલાઈ બંને દિવસે ઉજવાતો હતો. પણ હવે 2 જુલાઈએ જ ઉજવાય છે.
આકાશમાં જોવા મળનારી કોઈ એવી રહસ્યમય વસ્તુ, જે મનુષ્ય દ્વારા બનાવવામાં આવી નથી, તેને સામાન્ય રીતે UFOનું નામ આપવામાં આવ્યું. 1950 ના દાયકા સુધીમાં ઘણા UFO અમેરિકા (America) સહિત વિશ્વના(World) ઘણા દેશોના આકાશમાં જોવા મળવા લાગ્યા હતા.
