ઝાયડસ હોસ્પિટલ, અમદાવાદના પ્રસિધ્ધ એન્ડોવાસ્ક્યુલર ન્યૂરો સર્જન ડો. કલ્પેશ શાહે તેમની સિધ્ધિઓમાં વધુ એક ઉમેરો કર્યો છે. તે એક એવા માત્ર વ્યક્તિગત ઓપરેટર છે કે જેમણે બ્રેઈન એન્યુરિઝમ માટે સૌથી વધુ ફ્લો ડાયવર્ઝન સ્ટેન્ટીંગ કર્યા છે. આથી તે ગુજરાતમાં આધુનિક બ્રેઈન સર્જરીની ટેકનોલોજી સુસ્થાપિત કરવામાં પાયોનિયર ગણાય છે.
શરીરના લોહીના પૂરવઠાનો 20 ટકા જ હિસ્સો મગજ સુધી પહોંચે છે અને નાનામાં નાની રક્તનલિકામાં બ્લોકેજ કે છેદ થાય તો શક્તિ અને બાઉલ કન્ટ્રોલ, પેરાલિસીસ, હેમરેજ અને મૃત્યુ સુધીની સ્થિતિ પેદા થઈ શકે છે. કોઇલીંગ પધ્ધતિથી કરવામાં આવતા એન્ડોવાસ્ક્યુલર ઈન્ટરવેન્શનથી એન્યુરિઝમની સારવારમાં મૃત્યુનો દર ઘટાડી શકાયો છે.
ડો. શાહ જણાવે છે કે “અગાઉ ન્યૂરો ઈન્ટરવેન્શન પ્રોસીઝર માટે આપણે મસ્તિષ્કમાં કાપ મૂકીને અથવા સ્પાયનલ કોલમ ખૂલ્લી કરતા હતા, પરંતુ હવે ફ્લો ડાયવર્ટર ડિવાઈસના કારણે અત્યંત જટીલ એન્યુરિઝમ સર્જરીમાં પણ ઈન્વેઝીવ પ્રોસીઝરની જરૂર પડતી નથી.”
15 વર્ષથી વધુ સમયની વિશિષ્ટ કારકીર્દિ ધરાવતા ડો. શાહે 9,000થી વધુ દર્દીઓને માઈક્રો સર્જરી કરીને મોટી સફળતાનો ઉંચો દર હાંસલ કર્યો છે. હવે તેમણે તાલિમ અને ન્યૂરોજીકલ સાયન્સની પ્રવૃત્તિઓમાં વધુ સંશોધનાત્મક પ્રવૃત્તિઓ માટે એન્યુરિઝમ ક્લિનીક શરૂ કર્યું છે.
