દહીંહાંડી દરમિયાન મોટો અકસ્માત, 41 લોકો ઘાયલ, 8ની હાલત ગંભીર
બુધવાર, 28 ઑગસ્ટ 2024 (08:14 IST)
મહારાષ્ટ્ર. મુંબઈમાં 'દહી હાંડી' ઉત્સવ દરમિયાન બહુમાળી પિરામિડ બનાવનારા કુલ 41 'ગોવિંદા' ઘાયલ થયા છે. આ તમામ ગોવિંદા મટકી તોડવા માટે ઉપર ચઢ્યા હતા, જે દરમિયાન તેઓ ઝડપથી નીચે પડી ગયા હતા અને ઘાયલ થયા હતા.
બૃહન્મુંબઈ મ્યુનિસિપલ કોર્પોરેશન (BMC) એ જણાવ્યું કે ઘાયલ ગોવિંદાઓને સારવાર માટે નજીકની સરકારી અને ખાનગી હોસ્પિટલમાં લઈ જવામાં આવ્યા છે.
BMCએ જણાવ્યું કે 41 ઘાયલ ગોવિંદાઓમાંથી 8 હોસ્પિટલમાં દાખલ છે, 26 OPDમાં સારવાર હેઠળ છે અને સાત ગોવિંદાઓને જરૂરી સારવાર બાદ હોસ્પિટલમાંથી રજા આપવામાં આવી છે.
