મુંબઈ: મહારાષ્ટ્રના છત્રપતિ સંભાજીનગર જિલ્લાની એક જિલ્લા પરિષદ શાળાના લગભગ 80 વિદ્યાર્થીઓને પોષણ કાર્યક્રમ હેઠળ આપવામાં આવેલા બિસ્કિટ ખાવાથી હોસ્પિટલમાં દાખલ કરવામાં આવ્યા હતા. એક સ્થાનિક અધિકારીએ જણાવ્યું હતું કે કેકેટ જલગાંવ ગામની શાળામાં શનિવારે સવારે લગભગ 8:30 વાગ્યે બિસ્કિટ ખાધા પછી બાળકોએ ઉબકા અને ઉલ્ટીની ફરિયાદ કરી હતી.
વિદ્યાર્થીઓને ગ્રામીણ હોસ્પિટલમાં લઈ જવામાં આવ્યા હતા, જ્યાં તેમની સ્થિતિ સ્થિર હોવાનું જાણવા મળ્યું હતું. હોસ્પિટલના મેડિકલ ઓફિસર ડૉ. બાબાસાહેબ ઘુઘેએ જણાવ્યું હતું કે, "શનિવારે સવારે 8:30 વાગ્યાની આસપાસ બિસ્કિટ ખાધા પછી 257 વિદ્યાર્થીઓમાં ફૂડ પોઇઝનિંગના લક્ષણો દેખાયા હતા. તેમાંથી 153ને હોસ્પિટલમાં લાવવામાં આવ્યા હતા અને કેટલાકને સારવાર આપીને ઘરે મોકલી દેવામાં આવ્યા હતા."
