દિલ્હી પોલીસના ઉચ્ચ અધિકારીઓ રાહુલ ગાંધીના ઘરે પહોંચ્યા છે. કાશ્મીરમાં ભારત જોડો યાત્રા દરમિયાન રાહુલના નિવેદન પર દિલ્હી પોલીસ તેમની સાથે વાત કરવા માંગે છે. 16 માર્ચે દિલ્હી પોલીસે રાહુલ ગાંધીને નોટિસ આપી હતી પરંતુ રાહુલે જવાબ આપ્યો નહોતો. આ પછી દિલ્હી પોલીસ આજે તેના ઘરે પહોંચી છે. રાહુલ ગાંધીએ કાશ્મીરમાં કહ્યું હતું કે ઘણી મહિલાઓએ તેમની સામે જાતીય સતામણીની ફરિયાદ કરી છે. આજે પણ મહિલાઓ સાથે જાતીય સતામણી થઈ રહી છે. દિલ્હી પોલીસ રાહુલ પાસેથી તે મહિલાઓની વિગતો જાણવા માંગે છે જેથી કાયદાકીય કાર્યવાહી કરી શકાય. આજે સ્પેશિયલ સીપી સ્તરના અધિકારી સાથે ઉચ્ચ અધિકારીઓ રાહુલ ગાંધી સાથે વાત કરવાનો પ્રયાસ કરશે, જેથી પીડિત મહિલાઓની માહિતી મેળવી શકાય.
