રોગીઓને પોતાના મૃત્યુના જોખમને ઓછુ કરવા માટે પથારી પર જતા પહેલા દવા લેવી જોઈએ. આવુ એ માટે કારણ કે એક નવા અભ્યાસમાં જાણ થઈ છે કે હાઈ બીપીની દવા સવારના બદલે રાત્રે લેવાથી હાર્ટ એટેકનો ખતરો ઓછો થવાની શક્યતા ઓછી થાય છે. અભ્યાસ મુજબ જો રોગી રાત્રે સૂતા પહેલા હાઈ બીપીની દવા ખાય છે તો તેમને હાર્ટ એટેકનો ખતરો 44 ટકા ઓછો થાય છે.
હાર્ટ એટેકનો ખતરો ટળે છે - અભ્યાસ કર્તાઓ મુજબ હાઈ બીપીવાળા વયસ્કો પર એક અભ્યાસ કર્યો. તેમા તેમણે જોયુ કે રાત્રે સૂતા પહેલા દવા લેવાથી હાર્ટ એટેક, દિલ સંબંધી અન્ય બીમારીઓ કે સ્ટ્રોકથી પીડિત થવાની શક્યતા ઓછી થાય છે. શોધ મુજબ રાત્રે દવા લેવાથી સ્ટ્રોક અને હ્રદય રોગનો ખતરો 66 ટકા સુધી ઘટી શકે છે.
સ્પેનના વૈજ્ઞાનિઓએ હાઈબીપીની દવા લેનારાઓ 19 હજારથી વધુ દર્દીઓની તપાસ કરી. તેમના પર સતત 6 વર્ષ સુધી નજર રાખવામાં આવી. અભ્યાસ મુજબ અડધા પ્રતિભાગીઓ રાત્રે અને અન્યને સવારના સમયે દવાનુ સેવન કરવા માટે કહેવામાં આવ્યુ. જેમા જાણ થઈ કે જે રોગીઓએ રાત્રે દવા લીધી તેમને હાર્ટ એટેકનો ખતરો 44 ટકા અને મૃત્યુનો ખતરો 66 ટકા ઓછો જોવા મળ્યો હતો.
