IND Vs AUS 3rd T20 : મેક્સવેલે ટીમ ઈન્ડિયા પાસેથી જીત છીનવી લીધી, ત્રીજી T20 મેચ 5 વિકેટે જીતી

ભારત અને ઓસ્ટ્રેલિયા વચ્ચે 5 મેચની શ્રેણીની ત્રીજી T20 મેચ ગુવાહાટીના બરસાપારા ક્રિકેટ સ્ટેડિયમ ખાતે રમાઈ હતી. આ મેચ ઓસ્ટ્રેલિયન ટીમના નામે રહી. જો કે ટીમ ઈન્ડિયા આ શ્રેણીમાં હજુ પણ 2-1થી આગળ છે.

ઓસ્ટ્રેલિયા 5 વિકેટે જીત્યું

ઓસ્ટ્રેલિયાની ટીમે 223 રનના ટાર્ગેટનો પીછો કર્યો અને ત્રીજી T20 મેચ 5 વિકેટે જીતી લીધી. આ મેચમાં ઓસ્ટ્રેલિયન ટીમની જીતનો હીરો ગ્લેન મેક્સવેલ રહ્યો હતો. ગ્લેન મેક્સવેલે 48 બોલમાં અણનમ 104 રન ફટકારીને ટીમને જીત તરફ દોરી હતી.

Century moment of #RuturajGaikwad pic.twitter.com/FsxuaVitXP

— (@pa1s_tweets) November 28, 2023

ટીમ ઈન્ડિયા માટે પાવરપ્લે સરેરાશ રહ્યો હતો. ભારતીય બેટર્સ 6 ઓવરમાં 2 વિકેટે 43 રન જ બનાવી શક્યા હતા. યશસ્વી જયસ્વાલ અને ઋતુરાજ ગાયકવાડની ઓપનિંગ જોડીએ ટીમને ઝડપી શરૂઆત અપાવી અને પહેલી જ ઓવરમાં 14 રન બનાવ્યા. 

 બેહરનડોર્ફે ઇનિંગની બીજી ઓવરમાં જયસ્વાલ (6 રન)ને આઉટ કરીને ટીમ ઇન્ડિયાને પહેલો ઝટકો આપ્યો હતો. ઇનિંગની ત્રીજી જ ઓવરમાં કેન રિચર્ડસને ઈશાન કિશનને ઝીરો પર પેવેલિયન પરત મોકલ્યો હતો. અહીં ભારતીય બેટર્સ દબાણમાં જોવા મળ્યા.