રાજ્યમાં સતત અકસ્માતના બનાવો વધતા જાયા છે ત્યારે ગત મોડી સાંજે મહેસાણા વિસનગર હાઇવે પર ડમ્પર અને બાચક વચ્ચે એક અકસ્માત સર્જાયો હતો. જેમાં એક પરિવારના ત્રણ સભ્યોના મોત નિપજતાં અરેરાટી વ્યાપી જવા પામી હતી. આ અકસ્માતમાં દાહોદના મજૂર પરિવાર ભોગ બન્યો હતો. પોલીસને ઘટનાની જાણ થતાં ઘટનાસ્થળે પહોંચી આગળની તપાસ હાથ ધરી હતી.
આ અકસ્માતમાં સવાભાઈ હકલાભાઈ પારઘી, તેના પત્ની લાલીબેન પારઘી અને પુત્ર રાજેશ પારઘી મોતને ભેટ્યા છે. ત્રણેય લોકો વિસનગરથી વાલમ જઈ રહ્યા હતા ત્યારે અકસ્માત સર્જાયો હોવાનું જાણવા મળ્યું છે. મજૂરીકામ કરી ગુજરાન ચલાવતાના આ પરિવારના લોકોનું મોત નિપજતા પરિવારમાં શોકનો માહોલ છવાયો છે. પોલીસે ત્રણેય મૃતદેહને પોસ્ટમોર્ટમ માટે મોકલી આપી વધુ તપાસ હાથ ધરી છે.
