બોલીવુડમાં એક પછી એક સેલેબ્સ કોરોનાની ઝપેટમાં આવી રહ્યા છે. જેને જોઈને એવું લાગે છે કે બોલીવુડમાં કોરોના (Corona virus) બોમ્બ ફૂટ્યો છે. તાજેતરમાં, અર્જુન કપૂર(Arjun Kapoor) સહિત તેના પરિવારના ઘણા લોકોના કોવિડ રિપોર્ટ પોઝિટિવ આવ્યા હતા. હવે એવા સમાચાર છે કે દિગ્દર્શક, નિર્માતા એકતા કપૂર(Ekta Kapoor) ને પણ કોરોના થઈ ગયો છે. તેમનો કોવિડ રિપોર્ટ પોઝિટિવ આવ્યો છે. એકતા કપૂરે ઈન્સ્ટાગ્રામ પર આ જાણકારી આપી છે.
નકુલ મહેતાના 11 મહિનાના પુત્રને કોરોના થયો છે
આજે સવારે જ્હોન અબ્રાહમ અને તેની પત્ની પ્રિયા રૂંચલના કોરોના વાયરસથી સંક્રમિત થયાના સમાચાર આવ્યા છે. એટલું જ નહીં, અભિનેતા નકુલ મહેતાના 11 મહિનાના પુત્રનો કોવિડ રિપોર્ટ પણ પોઝિટિવ આવ્યો છે.
મહારાષ્ટ્રમાં કોરોના કેસમાં મોટો ઉછાળો
મુંબઈમાં કોરોનાના કેસ સતત વધી રહ્યા છે. છેલ્લા 24 કલાકની વાત કરીએ તો મહારાષ્ટ્રની રાજધાની મુંબઈમાં રવિવારે 8036 કેસ નોંધાયા હતા.તમામ પ્રતિબંધો વચ્ચે મુંબઈ સહિત સમગ્ર મહારાષ્ટ્રમાં કોરોનાના કેસ વધી રહ્યા છે. દેશની રાજધાની દિલ્હીમાં રવિવારે કોરોનાનો સકારાત્મક દર વધીને 4.59% થઈ ગયો છે.
