ગુજરાતના એકમાત્ર 'અધર' ઉમેદવાર નરેશ જ્યસ્વાલ ઉર્ફે રાજુ માતાજી આ બેઠક પરથી અપક્ષ ઉમેદવાર છે. ગીતાબહેન કૉંગ્રેસમાં જોડાયાં તે પહેલાં પાટીદાર અનામત આંદોલન સમિતિ સાથે સંકળાયેલાં હતાં. અમદાવાદમાં નિકોલ, નરોડા, ઠક્કરબાપા નગર તથા બાપુનગર પાટીદાર આંદોલનના ગઢ રહ્યા હતા. ગાંધીનગર દક્ષિણ, દહેગામ, વટવા, નિકોલ, નરોડા, ઠક્કરબાપા નગર તથા બાપુનગર વિધાનસભા મતવિસ્તાર આ લોકસભાક્ષેત્ર હેઠળ આવે છે.
954055 પુરુષ, 855719 મહિલા અને 67 અન્ય સહિત કુલ 1809841 મતદાતા આ બેઠક ઉપર નોંધાયેલા છે.
ગુજરાતમાં લોકસભાની કુલ 26 સીટ છે. મુખ્ય મુકાબલો ભાજપા અને કોંગ્રેસ વચ્ચે છે. બંને પાર્ટીઓ બધી 26 સીટ પર ચૂંટણી લડી રહી છે. અમિત શાહ જેવા દિગ્ગજ આ વખતે ગુજરાતમાં પોતાનુ નસીબ અજમાવી રહ્યા છે. 2014માં બીજેપીએ બધી 26 સીટો પર વિજય મેળવ્યો હતો.
