સિંહરાજ અધનાએ મંગળવારે ટોક્યો પેરાલિમ્પિક્સમાં P1-10m એર પિસ્તોલ સ્પર્ધામાં બ્રોન્ઝ મેડલ જીત્યો હતો. મનીષ નરવાલ આ ઇવેન્ટમાં સાતમા સ્થાને રહ્યો. આ પહેલા ભારતની રૂબિના ફ્રાન્સિસ મહિલાઓની 10 મીટર એર પિસ્તોલ સ્પર્ધામાં સાતમા ક્રમે રહી હતી. તીરંદાજીમાં રાકેશ કુમાર ક્વાર્ટર ફાઇનલમાંથી બહાર થઈ ગયો. દરમિયાન પુરુષોની હાઇ જમ્પ T63 ફાઇનલમાં ભારતે બે મેડલ પણ જીત્યા હતા. મરિયપ્પન થંગાવેલુએ ફાઇનલમાં સિલ્વર મેડલ જીત્યો હતો, જ્યારે શરદ કુમારને આ જ ઇવેન્ટમાં બ્રોન્ઝ મેડલથી સંતોષ કરવો પડ્યો હતો. ટોક્યો પેરાલિમ્પિક્સમાં ભારતનો આ 10 મો મેડલ છે. આ પહેલાં સોમવારે પણ ભારતને બે ગોલ્ડ મેડલ સહિત કુલ પાંચ મેડલ મળ્યા હતા.
