French Open 2025: નોવાક જોકોવિચને મળી કરારી હાર, આ ખેલાડીએ ફાઈનલમાં મારી એંટ્રી, તોડ્યુ ખિતાબનુ સપનુ
ફ્રેંક ઓપન 2025ના મેસ સિંગલ્સની સેમીફાઈનલમાં નોવાક જોકોવિચને યાનિક સિનરે હરાવી દીધા. જોકોવિચ સેમીફાઈનલમાં સંમ્પૂર્ણ રીતે લયમાંથી ભટકેલા જોવા મળ્યા અને વિરોધી ખેલાડીની સામે પડકાર રજુ કરી શક્યા નહી. હાર સાથે જ તેમની ફ્રેંચ ઓપન 2025 નો ખિતાબ જીતવાનુ સપનુ તૂટી ગયુ અને સિનરે ફાઈનલમાં એંટ્રી કરી લીધી. જ્યા તેમનો સામનો અલ્કારાજ સાથે થશે. જે સારા ફોર્મમાં ચાલી રહ્યા છે.
જોકોવિચે કર્યુ ખરાબ પ્રદર્શન
નોવાક જોકોવિચને સેમીફાઈનલ ના પહેલા સેટમાં 6-4 થી હારનો સામનો કરવો પડ્યો. ત્યારબાદ બીજા સેટમાં તેમણે કમબેકની કોશિશ કરી. પણ ત્યા પણ બાજી યાનિક સિનર મારી ગયા અને 7-5 થી સેટ પોતાને નામે કરી લીધો. ત્યારબાદ ત્રીજા સેટમાં મુકાબલો ટાઈ બ્રેકર સુધી ચાલ્યો ગયો. અહી પણ જોકવિચને 7-6 (7-3) થી હાર મળી. સેટની સાથે, તેણે મેચ પણ ગુમાવી દીધી. ટાઇ બ્રેકરમાં, જે પણ ખેલાડી પહેલા 7 પોઈન્ટ મેળવે છે, તે સેટ જીતે છે.
મેચ હાર્યા બાદ જોકોવિચ નિરાશ થયો
નોવાક જોકોવિચ એવો ખેલાડી છે જેણે પુરુષોની સિંગલ્સમાં સૌથી વધુ 24 ગ્રાન્ડ સ્લેમ જીત્યા છે. પરંતુ ફ્રેન્ચ ઓપનની સેમિફાઇનલમાં, તે સિનરની ચોકસાઈ અને ઝડપી ફોરહેન્ડનો મુકાબલો કરી શક્યો નહીં. મેચ હાર્યા બાદ જોકોવિચ નિરાશ દેખાતો હતો. તે ભાવુક પણ થયો અને કહ્યું કે ફ્રેન્ચ ઓપનમાં આ તેની છેલ્લી મેચ પણ હોઈ શકે છે. હાર પછી, તેણે હાથ ચુંબન કર્યો અને પછી તેને માટી પર ફેંકી દીધો.
ફાઇનલ બે શ્રેષ્ઠ ખેલાડીઓ વચ્ચે થશે: જોકોવિચ
નોવાક જોકોવિચે કહ્યું કે હું સતત દબાણમાં હતો. તે સતત લાઇન પર હતો, મારો બચાવ કરવાનો પ્રયાસ કરી રહ્યો હતો. એટલા માટે તે વિશ્વમાં નંબર 1 છે. હું તેને ફાઇનલ માટે શુભકામનાઓ પાઠવું છું. મને લાગે છે કે તે તેની અને કાર્લોસ સાથે એક અદ્ભુત મેચ બનવા જઈ રહી છે, જે હાલમાં બે શ્રેષ્ઠ ખેલાડીઓ છે.
