સુરત શહેરમાં બીઆરટીએસ અને સીટી બસ દ્વારા સતત અકસ્માત થતા હોવાની ઘટના સામે આવી રહી છે. આજે શહેરના પાંડેસરા વેલકમ પાન પાસે સિટી બસે ટુ-વ્હિલર પર જતા ધોરણ 11ના વિદ્યાર્થીને અડફેટે લેતા તેનું મૃત્યુ થયુ હતુ. જ્યારે બીજા બનાવમાં ભેસ્તાન વિસ્તારમાં બીઆરટીએસ રૂટમાં દોડતી ST બસે યુવકને અડફેટે લેતા તેનું મૃત્યુ થયું હતું. આ બનાવમાં સ્કૂટી પર આવેલા ત્રણ શખસોએ યુવકનો મોબાઈલ છિનવીને માર માર્યો હતો. યુવક ડરી જતા ભાગ્યો અને રોડ ક્રોસ કરતો હતો ત્યારે જ બીઆરટીએસ રૂટમાં પૂરઝડપે આવતી ST બસ તેના પર ચડી ગઈ હતી અને મોતને ભેટ્યો હતો.
