બાળકોમાં ગુણો કેળવનાર શિક્ષક જ્યારે ગુણવિહીન બની જાય છે, ત્યારે બાળકોને કેવું શિક્ષણ મળશે? ઉત્તર ગુજરાતના દાંતામાં પ્રાથમિક શાળાના શિક્ષકનો વીડિયો વાયરલ થયો છે. આ વીડિયોમાં તે દારૂના નશામાં શાળામાં આવ્યો હતો. લોકોએ આ શિક્ષકને સસ્પેન્ડ કરવાની માંગ કરી હતી. ત્યારે આ નશામાં ધૂત શિક્ષકને સસ્પેન્ડ કરવામાં આવ્યો છે.
પ્રાપ્ત માહિતી અનુસાર, દાંતા તાલુકાના જોધસર પ્રાથમિક શાળાના શિક્ષક નશાની હાલતમાં એક વિડીયો વાયરલ થયો હતો. જોધસર પ્રાથમિક શાળામાં ધોરણ 1 થી 7 સુધી 300 જેટલા વિદ્યાર્થીઓ અભ્યાસ કરે છે. આ શાળાના બે શિક્ષકો દારૂના નશામાં હોવાની વારંવાર બાળકો દ્વારા ઘરે ફરિયાદ કરવામાં આવતી હતી. આ દરમિયાન શાળાના શિક્ષકો દારૂના નશામાં તેમની ઓફિસમાં હતા. સ્થાનિક લોકો મોટી સંખ્યામાં શાળાએ પહોંચ્યા હતા. તે સમયે શિક્ષક દારૂના નશામાં હતો.
