વલસાડ પાસે આવેલા કોસંબાના દરિયામાં અંદાજે 500 મીટર અંદર માછલી પકડવા માટેના બંધારામાં ગુરુવારે ત્રણ ડોલ્ફિન માછલી આવી ગઈ હતી. આ બંધારાના માલિક જ્યારે કેટલી માછલીઓ સપડાઈ છે તે જોવા ગયા ત્યારે તેમને આ ઘટના અંગે જાણ થઈ હતી. સામાન્ય રીતે દરિયાના ઊંડાણના ભાગોમાં જ રહેતી ડોલ્ફિન આ રીતે કાંઠા પાસે આવી ચઢતાં લોકોમાં ભારે કૂતુહલ જોવા મળ્યું હતું. બાદમાં તમામ ડોલ્ફિનને ઊંડાણના દરિયામાં લઈ જઈ મુક્ત કરવામાં આવી હતી.
