ડીએસએફ જૂનાગઠે ટ્વિટર પર શેર કરેલા વીડિયોમાં દેખાય છે કે, હાથમા લાકડીઓ લઇ ઢોર ચરાવવા નીકળેલા યુવાનોનાં હાથમાં દીપડાનું બચ્ચું આવે છે. આ નાનકડા જીવને તેઓ હેરાન કરી રહ્યાં છે. આવુ કરવું યુવાનો માટે મોટુ જોખમ પણ હતું અને સાથે કાયદાનો ભંગ પણ હતો. વિડીયોમા સંભળાતી વાતચીત પ્રમાણે આ યુવાનોને અંદરથી ભય હતો કે આ બચ્ચાની માતા અહીં આવશે તો આપણને નહીં છોડે. જોકે, તે લોકો રોમાંચ ખાતર આ જોખમ ખેડયું હતુ.મહત્વનું છે કે થોડા સમય પહેલા ગીર પંથકમાં સિંહનાં બચ્ચાને હેરાન કરવાની ઘટના સામે આવી હતી. ત્યારે હવે ગીર પંથકમા ચાર ટીખળી યુવાનો દિપડીના બચ્ચાને હાથમા લઇ રમાડતા હોય અને તેને પરેશાન કરતા હોય તેવો વિડીયો વાયરલ થયો છે.
