રક્ષા મંત્રી રાજનાથ સિંહ ભૂજ પહોંચ્યા
રક્ષા મંત્રી રાજનાથ સિંહ ભૂજ પહોંચ્યા. તેઓ ભુજ એરફોર્સ સ્ટેશન ખાતે વાયુસેનાના યોદ્ધાઓ સાથે વાતચીત કરશે. તેમની સાથે વાયુસેનાના વડા એર ચીફ માર્શલ એપી સિંહ પણ અહીં પહોંચ્યા છે.
'લોકોને નાસ્તો કરવામાં જેટલો સમય લાગે છે, તેટલા સમયમાં તમે દુશ્મનોનો સામનો કરી લીધો છે...', રાજનાથ સિંહે ભુજ એરબેઝ પર સૈનિકોને કહ્યું.
ઓપરેશન સિંદૂર પછી, સંરક્ષણ પ્રધાન રાજનાથ સિંહ ગુજરાતના ભૂજ એરબેઝ પહોંચ્યા. અહીં તેમની સાથે વાયુસેનાના વડા એપી સિંહ પણ હાજર હતા. આ દરમિયાન, સંરક્ષણ પ્રધાન એરબેઝ પર હાજર વાયુસેનાના સૈનિકોને મળ્યા. વાયુસેનાના જવાનોને સંબોધતા સંરક્ષણ મંત્રીએ કહ્યું કે ભારતની યુદ્ધ નીતિ અને ટેકનોલોજી બદલાઈ ગઈ છે. હું અહીં આપ સૌનું સ્વાગત કરવા આવ્યો છું. આ ઓપરેશન પછી દુનિયાએ જોયું કે ભારતે તેના દુશ્મન સાથે કેવી રીતે વ્યવહાર કર્યો. આ દરમિયાન સંરક્ષણ મંત્રીએ કહ્યું કે ભારત હવે આત્મનિર્ભર બની રહ્યું છે. ૧૯૬૫માં ભુજ પાકિસ્તાન સામેની આપણી જીતનું સાક્ષી હતું અને આજે ફરી એકવાર પાકિસ્તાન સામેની આપણી જીતનું સાક્ષી બન્યું છે, મને અહીં હાજર રહીને ગર્વ થાય છે.
