જમ્મુ અને કાશ્મીરમાં અમરનાથ યાત્રાળુઓને લઈને જઈ રહેલી બસ અકસ્માતગ્રસ્ત થઈ થઈ છે. બસ ખાઈમાં પડી જતા 11 લોકોના માર્યા ગયા હોવાના અહેવાલ છે. અકસ્માતમાં 35 લોકો ઈજાગ્રસ્ત થયા છે. આ અકસ્માત બનિહાલ પાસે જમ્મુ અને કાશ્મીર હાઈવે પર થયો છે. જગ્યા રામબન જિલ્લા પાસે છે. આ અકસ્માતગ્રસ્ત બસમાં કેટલા લોકો સવાર હતા અને હાલ શું સ્થિતિ છે તે સ્પષ્ટ થયું નથી. બસ જમ્મુથી પહેલગામ જઈ રહી હતી. પોલીસ અને રામબન પ્રશાસને રેસ્ક્યુ ઓપરેશન શરૂ કરી દીધુ છે. આ અગાઉ સોમવારે રાજ્યના અનંતનાગમાં અમરનાથ યાત્રાળુઓ ભરેલી બસ પર આતંકી હુમલો થયો હતો જેમાં 8 શ્રદ્ધાળુઓએ પોતાના જીવ ગુમાવ્યાં હતાં.
