ગુજરાતના સુરતમાં ગુરૂવારે ભેસ્તાન ચોકડી પર પૂરઝડપે ડમ્પરની ટક્કરે આવી જતાં 35 વર્ષીય મહિલા પોલીસ કોન્સ્ટેબલનું ઘટનાસ્થળે મોત નિપજ્યું છે, જ્યારે તેની સાથે હાજર બે મહિલા કોન્સ્ટેબલને ઇજા પહોંચી છે. પોલીસના જણાવ્યા અનુસાર મૃતક લીના ખરાડે અને બે અન્ય પોલીસકર્મી જયશ્રી ભોયા અને ગોવિંદ વકાતાર પાંડેસરા પોલીસ સ્ટેશનમાં ફરજ બજાવતા હતા.
મહિલા કોન્સ્ટેબલ એક ઓટોરિક્શા ચાલકના પેપર ચેક કરી રહી હતી. તે સમયે એક પૂરઝડપે આવી રહેલા ડમ્પરે રીક્શાને ટક્કર મારી હતે. ટક્કર એટલી જોરદાર હતી કે મહિલા કોન્સ્ટેબલ તેની ચપેટમાં આવી ગઇ હતી. જેના લીધે કોન્સ્ટેબલ હીનાબેનનું ઘટનાસ્થળે મોત નિપજ્યું હતું. જ્યારે અન્ય બે પોલીસકર્મીઓને ગંભીર ઇજા પહોંચી છે. તો બીજી તરફ ઘટનામાં ઓટોરિક્શા ચાલકને ઇજા પહોંચે નથી જ્યારે ડમ્પર ચાલક ઘટનાસ્થળેથી ફરાર થઇ ગયો છે. તમને જણાવી દઇએ કે હીનાબેન ગત 5 વર્ષથી પોલીસ વિભાગમાં WPC માં કામ કરી રહ્યા હતા.
