અમરેલી તાલુકાના ખડ ખંળાળિયા ગામમાં એક શ્રમિક પરિવારના માથે અણધારી આફત આવી પડતાં માથે આભ તૂટી પડ્યું હતું. મજૂર પરિવારના ત્રણ બાળકો રમતાં-રમતાં પાણીના ખાડામાં ડૂબી જતાં તેમનું મોત થયું હતું. ઘટનાની જાણ થતાં આસપાસના ગ્રામજનો તથા પોલીસ કાફલો ઘટનાસ્થળે દોડી આવ્યો હતો. એક જ પરિવારના ત્રણ બાળકોના મોત નિપજતાં અરેરાટી વ્યાપી જવા પામી હતી. પોલીસ અકસ્માતના બનાવનો ગુનો નોંધી આગળની તપાસ હાથ ધરી હતી.
