Canada accident - કૅનેડામાં ટૅસ્લા ગાડીનો અકસ્માત, બે ગુજરાતી સહિત 4નાં મૃત્યુ
કૅનેડાના ટૉરેન્ટોમાં ટૅસ્લા ગાડીને માર્ગ અકસ્માત નડ્યો હતો, જેમાં ગુજરાતી ભાઈ-બહેન સહિત ચાર લોકો મૃત્યુ પામ્યાં છે, જ્યારે એક વ્યક્તિને ઈજા પહોંચી છે.
ટૅસ્લાની જે ગાડીનો અકસ્માત થયો, તે સૅલ્ફ-ડ્રાઇવિંગ હતી કે કેમ, તેના વિશે સ્પષ્ટતા નથી થઈ. છતાં ઇલૅક્ટ્રિક ગાડીઓમાં બૅટરીને કારણે આગ લાગવાની ઘટનાને પગલે અમુક લોકો વધુ સાવધાનીની માગ કરી રહ્યા છે.
ગોધરાથી કેતાબાની ઉંમર 30 વર્ષ અને નીલરાજ ગોહિલની ઉંમર 26 વર્ષ હતી.
કેતાબા છ વર્ષ પહેલાં ટૉરેન્ટો ગયાં હતાં અને લૅબ ટેક્નિશિયન તરીકે કામ કરતાં હતાં, જ્યારે નીલરાજ દસેક મહિના પહેલાં ગયા હતા. નિલરાજ બ્રામ્પટનમાં રહેતા અને ભણવાની સાથે કામ પણ કરતા હતા.