બિરયાની ખાવી કોને પસંદ નથી હોતી. તેને બનાવવાની જુદી જુદી રીત છે અને જો તેને યોગ્ય રીતે ન બનાવાય તો તેનો સ્વાદ એકદમ બેકાર લાગે છે. આજે અમે Webdunia પર બતાવીશુ પરફેક્ટ બટર ચિકન બિરયાની બનાવવાની વિધિ
જરૂરી સામગ્રી - ચિકન બનાવવા માટે 250 ગ્રામ બોનલેસ ચિકન,
1 મોટી ચમચી લસણની પેસ્ટ,
1 મોટી ચમચી આદુની પેસ્ટ,
1 કપ દહી,
અડધો કપ કાજૂ પેસ્ટ,
1 મોટી ચમચી લાલ મરચુ પાવડર,
1 મોટી ચમચી ઘાણા પાવડર,
1 નાની ચમચી ગરમ મસાલો,
એક ચમચી ખાંડ.
1 કપ ટોમેટો પ્યુરી
1 કપ ફ્રાઈડ ડુંગળી
મીઠુ સ્વાદમુજબ
1 કપ ઝીણા સમારેલા ધાણા
1 કપ ઝીણો સમારેલો ફુદીના
2 મોટી ચમચી ઘી
2 લવિંગ
1 તજ
ભાત બનાવવા માટે - 1 બટાકુ (પાતળુ ગોળ કાપેલુ) 4 કપ પલાળેલા બાસમતી ચોખા, 2 મોટી ચમચી ફ્રાઈડ ડુંગળી, 2 મોટી ચમચી કોથમીર, 1 મોટી ચમચી ક્રીમ, 2 મોટી ચમચી કેસરવાળુ દૂધ
બનાવવાની રીત - સૌ પહેલા એક વાસણમાં ચિકન બનાવવાની બધી સામગ્રીઓને સારી રીતે મિક્સ કરો. ધીમા તાપ પર એક હાંડીમાં ઘી ગરમ કરવા મુકો. ઘી ગરમ થતા જ લવિંગ અને તજ તેમજ ચિકનનુ તૈયાર મિશ્રણ નાખીને સારી રીતે હલાવો અને ઢાંકીને 5 થી 10 મિનિટ મુકીને થવા દો. હવે તાપ બંધ કરી દો.
- હવે એક બીજા ધીમા તાપ પર એક હાંડીમાં ઘી ગરમ કરવા માટે મુકો.
- ઘી ગરમ થતા જ બટાકાના પીસ સમાન રૂપે મુકી દો.
- બટાકા ઉપર થોડા ચોખા ફેલાવો અને ઉપરથી ફ્રાઈડ ડુંગળી પણ નાખી દો.
- હવે ચોખા ઉપર 1 મોટી ચમચી કોથમીર અડધુ બફાયેલુ ચિકન, ક્રીમ અને ફરી થોડા ચોખા નાખો.
- છેવટે કેસરવાળુ દૂધ, બચેલા ધાણા અને ફ્રાઈડ ડુંગળી નાખો.
- ત્યારબાદ એક નાની વાડકીમાં ફોયલ પેપર લગાવો અને તેમા ચારકોલ, ઘી અને લવિંગ નાખીને ચોખાની વચ્ચો વચ્ચ મુકી દો.
- હવે હાંડીને ઢાકીને ચોખાને 20-25 મિનિટ સુધી પકવો.
- ગરમાગરમ બટર ચિકન બિરયાની તૈયાર છે. લીલા ધાણાની ચટની અને રાયતા સાથે સર્વ કરો.
