પાલઘર ફાયર બ્રિગેડના અધિકારીએ જણાવ્યું હતું કે પાલઘર જિલ્લામાં મુંબઈ-અમદાવાદ હાઈવે પર ચારાથી ભરેલી આઈશર ટ્રક (MH 04 E-L 9383) ઓછામાં ઓછા ચાર કિમી સુધી સળગતી હાલતમાં રસ્તા પર દોડી રહી હતી. આ અકસ્માત શુક્રવારે મોડી સાંજે પાલઘરના શિરસાદ ફાટા પાસે થયો હતો. સળગતી ટ્રકનો એક વિડિયો પણ સામે આવ્યો છે, જેને એક રાહદારીએ પોતાના ફોન કેમેરાથી કેદ કર્યો હતો અને સોશિયલ મીડિયા પર વાયરલ થયો હતો.
