ભારતનાં હાથે લાગ્યું દેશી બ્રહ્માસ્ત્ર, સેનાને મળશે 156 પ્રચંડ હેલિકોપ્ટર, સરકારે સૌથી મોટા રક્ષા સોદાને આપી મંજુરી
શુક્રવાર, 28 માર્ચ 2025 (19:41 IST)
Prachand helicopters
ભારતે 156 મેડ ઇન ઇન્ડિયા LCH પ્રચંદ હેલિકોપ્ટર ખરીદવાના અત્યાર સુધીના સૌથી મોટા સંરક્ષણ સોદાને મંજૂરી આપી છે. આજે યોજાયેલી સુરક્ષા અંગેની કેબિનેટ સમિતિની બેઠકમાં આ નિર્ણય લેવામાં આવ્યો. આ નાણાકીય વર્ષમાં સંરક્ષણ મંત્રાલયે 2.09 લાખ કરોડ રૂપિયાથી વધુના કરારો પર હસ્તાક્ષર કર્યા છે. માહિતી આપતાં, સંરક્ષણ અધિકારીએ જણાવ્યું હતું કે હિન્દુસ્તાન એરોનોટિક્સ લિમિટેડ (HAL) માટે આ અત્યાર સુધીનો સૌથી મોટો ઓર્ડર હશે. આ હેલિકોપ્ટરનું ઉત્પાદન બેંગલુરુ અને તુમકુર, કર્ણાટક ખાતેના તેમના પ્લાન્ટમાં બનાવવામાં આવશે.
ઉલ્લેખનિય છે કે ભારતે પોતાની લશ્કરી શક્તિને વધુ મજબૂત બનાવવા તરફ એક મોટું પગલું ભર્યું છે. હકીકતમાં, આ સોદો આત્મનિર્ભર ભારતને પ્રોત્સાહન આપવા અને સેના અને વાયુસેનાની તાકાત વધારવામાં મહત્વપૂર્ણ સાબિત થશે.
ઊંચાઈ પર ઉડવા માટે સક્ષમ છે 'પ્રચંડ'
- પ્રચંડ દુનિયાનું એકમાત્ર એટેક હેલિકોપ્ટર છે જે 16,400 ફૂટ (5,000 મીટર)ની ઊંચાઈએ ઉડી શકે છે.
- પ્રચંડ મુખ્યત્વે સિયાચીન, લદ્દાખ અને અરુણાચલ પ્રદેશના ઊંચાઈવાળા વિસ્તારોમાં તૈનાત માટે તૈયાર કરવામાં આવ્યા છે.
- આ ઊંચાઈવાળા વિસ્તારોમાં તૈનાત માટે આદર્શ છે. મિસાઇલોથી સજ્જ, હવાથી જમીન અને હવાથી હવામાં હુમલો કરવા સક્ષમ, દુશ્મનના હવાઈ સુરક્ષાને નષ્ટ કરી શકે છે.
- પ્રચંડ વિવિધ પ્રકારની એયર ટૂ ગ્રાઉન્ડ અને એયર ટુ એયર મિસાઇલો ચલાવવામાં સક્ષમ છે અને દુશ્મનની એયર ડીફેન્સ પ્રણાલીનો નાશ કરી શકે છે.
- પ્રચંડ હેલિકોપ્ટરનો સૈન્યમાં સમાવેશ થવાથી ભારતીય વાયુસેનાના એટેક હેલિકોપ્ટર કાફલામાં વૈવિધ્યતા આવશે.
- આ હેલિકોપ્ટર મેક ઇન ઇન્ડિયા અને આત્મનિર્ભર ભારત પહેલ હેઠળ બનાવવામાં આવ્યું છે.
આત્મનિર્ભર ભારતને મળશે શક્તિ
ઉલ્લેખનિય છે કે સરકારે 'મેક ઇન ઇન્ડિયા' હેઠળ સંરક્ષણ ક્ષેત્રમાં આત્મનિર્ભરતાને પ્રોત્સાહન આપવા માટે આ સોદો કર્યો છે. 83 લાઇટ કોમ્બેટ એરક્રાફ્ટ (LCA) નો સૌથી મોટો ઓર્ડર પહેલાથી જ આપવામાં આવ્યો છે. 97 વધુ LCA ઓર્ડર કરવાની પ્રક્રિયા પૂર્ણ થઈ ગઈ છે. 307 ATAGS હોવિત્ઝર તોપોની ખરીદીને પણ તાજેતરમાં કેબિનેટની મંજૂરી મળી છે.
