ઇન્ડિયન પ્રીમિયર લીગ (IPL 2021) ની 50મી મેચમાં દિલ્હી કેપિટલ્સે(Delhi Capitals) ચેન્નઈ સુપર કિંગ્સને(Chennai Super Kings) 3 વિકેટથી હરાવ્યુ. પ્રથમ બેટિંગ કરતા સીએસકેએ 20 ઓવરમાં પાંચ વિકેટે 136 રન બનાવ્યા હતા, જે દિલ્હીની ટીમે 19.4 ઓવરમાં સાત વિકેટ ગુમાવીને મેળવી લીધા હતા. અંબાતી રાયડુની હાફ સેંચુરીની મદદથી ચેન્નઈ સુપર કિંગ્સ 136 રનના સ્કોર સુધી પહોંચી શકી. ટોપ ઓર્ડરની નિષ્ફળતા બાદ રાયડુએ અણનમ 55 અને કેપ્ટન મહેન્દ્ર સિંહ ધોનીએ 18 રન બનાવ્યા હતા. લક્ષ્યનો પીછો કરતા દિલ્હીએ પણ જલ્દી જલ્દી પૃથ્વી શો અને શ્રેયસ અય્યરની વિકેટ ગુમાવી દીધી હતી, જ્યારે કે બીજી બાજુ કેપ્ટન રિષભ પંત પણ મોટી ઇનિંગ રમવામાં નિષ્ફળ રહ્યા હતા.
