અમેરિકાએ કોરોના વાયરસની પહેલી કારગર દવા રેમડેસિવીરની ખૂબ મોટા પ્રમાણમાં ખરીદી કરી છે. રેમડેસિવીરનો જે ડોઝની સપ્લાય દુનિયાના જુદા જુદા દેશમાં કરવાનો હતો, અમેરિકાએ એ લગભગ બધો જ સ્ટોક ખરીદી લીધો છે. આ દવા અમેરિકાની જ કંપની ગિલીડ સાયંસેજ બનાવી છે.
રેમડેસિવીર દવાથી કોરોનાના દરદીઓનો જીવ બચવાની પુષ્ટિ તો નથી થઈ પણ, આ દવા કેટલાક દર્દીઓનો ટ્રીટમેંટનો સમય ઘટાડી દે છે. એટલે કે કેટલાક દર્દીઓને રેમેડિસીવર દવા આપીને સામાન્ય સ્થિતિ કરતા ઓછા સમયમાં હોસ્પિટલમાંથી રજા આપી શકાય છે.
જોકે, ગિલિડ સાયંસેજે પહેલેથી જ જાહેરાત કરી હતી કે તે યુ.એસ.ને રેમેડિસિવીરની દવાનો 1.2 લાખ ડોઝ દાનમાં આપી રહી છે. પરંતુ હવે અમેરિકાએ 5 લાખથી વધુ ટ્રીટમેન્ટ કોર્સ ખરીદ્યા છે, જેનું ઉત્પાદન જુલાઈમાં થવાનું છે. વળી, ઓગસ્ટ અને સપ્ટેમ્બરમાં ઉત્પાદિત થનારી 90 ટકા દવા પણ અમેરિકા ખરીદશે.
