ભારતની સ્ટાર ટેનિસ ખેલાડી સાનિયા મિર્જા અને પાકિસ્તાનના અનુભવી ક્રિકેટર શોએબ મલિકના સંબંધોમાં બધુ ઠીક નથી ચાલી રહ્યુ. પાકિસ્તાની મીડિયા મુજબ બંનેના લગ્ન કોઈપણ સમયે તૂટી શકે છે. આ વાતને હવા સાનિયા મિર્જાની એક ઈંસ્ટાગ્રામ સ્ટોરીએ આપી છે. તેમણે સ્ટોરીમાં લખ્યુ તૂટેલા દિલ ક્યા જાય છે, ખુદાને શોધવા માટે.
પુત્ર સાથેની તસ્વીર કરી શેયર
સાનિયાએ આ પહેલા શુક્રવારે પુત્ર ઈઝાન સાથેની તસવીર શેર કરી હતી. પછી તેણે લખ્યું - તે ક્ષણો જેણે મને મુશ્કેલ દિવસોમાં મદદ કરી.
સાનિયાએ 2010માં કર્યા હતા લગ્ન
સાનિયા મિર્ઝા 2010માં પોતાની રમતમાં ટોચ પર હતી. શોએબ મલિક પણ તે સમયે પાકિસ્તાન ક્રિકેટ ટીમનો સ્ટાર હતો. બંનેએ 2010માં લગ્ન કર્યા હતા. તે સમયે સાનિયાની દેશભક્તિ પર સવાલ ઉઠ્યા હતા, પરંતુ તેણે ક્યારેય કોઈ રમતમાં પાકિસ્તાનનું સમર્થન કર્યું નથી.
