તમે ક્યારેક જંગલ સફારી પર ગયા જ હશો, ત્યાં પહોંચ્યા પછી તમે એક અલગ જ દુનિયા જોઈ હશે. જંગલી પ્રાણીઓની દુનિયા પરંતુ શું તમને લાગે છે કે આ પ્રાણીઓ માણસોથી પરિચિત હોય છે કે નહીં? અથવા સફારી દરમિયાન માનવીઓની હરકતોથી? સોશિયલ મીડિયા પર જંગલ સફારીનો એક વીડિયો વાયરલ થઈ રહ્યો છે જેમાં એક પરિવાર કારમાં જંગલ સફારી માટે ગયો હતો. ત્યારે રસ્તામાં તેઓ સિંહોનું ટોળું જુએ છે. તે થોડીવાર ત્યાં રહીને સિંહોનો વીડિયો શૂટ કરવાનું શરૂ કરે છે. આ દરમિયાન એક સિંહણ તેના દાંત વડે કારનો દરવાજો ખોલે છે. આ પછી કારમાં બેઠેલા લોકોએ બૂમો પાડી. તેમની સાથે આગળ શું થયું હશે, તમે વીડિયોમાં જોઈ શકો છો.
આ વિડિયો @TansuYegen ના એકાઉન્ટ દ્વારા 5 જાન્યુઆરીએ ટ્વિટર પર પોસ્ટ કરવામાં આવ્યો હતો. કેપ્શનમાં લખ્યું હતું – સફારી ઓવર! સમાચાર લખાય છે ત્યાં સુધી આ વીડિયોને 13.3 મિલિયન વ્યૂઝ અને 24 હજારથી વધુ લાઈક્સ મળી ચૂક્યા છે. આ વીડિયો વાઈરલ થયા બાદ લોકોના મનમાં એક સવાલ ઉઠી રહ્યો હતો કે કારમાં બેઠેલા લોકોનું શું થયું હશે. શું તેઓ જીવંત છે તમે વીડિયોમાં જોઈ શકો છો કે, એક પરિવાર જંગલ સફારી માટે ગયો છે અને કારની પાછળની સીટ પરથી વીડિયો રેકોર્ડ કરી રહ્યો છે. પછી તેઓ સિંહોનું ટોળું જુએ છે. વીડિયોને સ્પષ્ટ રીતે રેકોર્ડ કરવા માટે ડ્રાઈવર કારને સિંહોની થોડી નજીક લઈ જાય છે, જ્યારે એક સિંહણ ધીમે ધીમે કારની નજીક આવે છે અને મોં વડે કારનો દરવાજો ખોલે છે. આ જોઈને અંદર બેઠેલા લોકોએ ચીસો પાડી અને ઉતાવળે કારનો દરવાજો બંધ કરીને ભાગી ગયા.
