રિયાદ- સઉદી અરબમાં એક ભયંકર બસ દુર્ઘટના થઈ છે જેમાં આશરે 20 ઉમરાહ તીર્થયાત્રીઓની મોત થઈ ગઈ છે અને 29 ઘાયલ થયા છે. સ્થાનિક મીડિયા અનુસાર, આ અકસ્માત દેશના દક્ષિણ-પશ્ચિમ ભાગમાં થયો હતો. આ ઘટના પવિત્ર રમઝાન માસ દરમિયાન બની હતી, જ્યારે મોટી સંખ્યામાં મુસ્લિમ શ્રદ્ધાળુઓ હજ અને ઉમરાહ માટે
સાઉદી અરેબિયાના મક્કા અને મદીના જાય છે. ગલ્ફ ન્યૂઝ અનુસાર, શ્રદ્ધાળુઓને લઈને જઈ રહેલી બસ પુલ સાથે અથડાઈ, પલટી ગઈ અને આગ લાગી. આગમાં 20ના મોત થયા હતા અને 29 લોકો ગંભીર રીતે ઘાયલ થયા હતા.
સમાચાર મુજબ આ દુર્ઘટના બસના બ્રેક ફેલ થવાના કારણે અસીર પ્રાંત અને આભા શહેરને જોડતી રોડ પર થયું. ઉમરાહ કરવા માટે બસમાં સવાર તમામ લોકો મક્કા જતા હતા. સાઉદી સિવિલ ડિફેન્સ અને રેડ ક્રેસન્ટ ઓથોરિટીની ટીમો દુર્ઘટના સ્થળે દોડી ગઈ હતી અને વિસ્તારને કોર્ડન કરી લીધો હતો. મૃતકો અને ઘાયલોને નજીકની હોસ્પિટલોમાં ખસેડવામાં આવ્યા છે
