collapses in Ethiopia- બુધવારે ઇથોપિયાના અમહારા ક્ષેત્રમાં એક બાંધકામ હેઠળનું ચર્ચ ધરાશાયી થતાં ઓછામાં ઓછા 25 લોકોના મોત થયા. સ્થાનિક અધિકારીઓએ જણાવ્યું હતું કે આ ઘટના બુધવારે સવારે અમહારાના મેંગર શેનકોરા આર્ટી મરિયમ ચર્ચમાં બની હતી, જ્યાં સેન્ટ મેરીની વાર્ષિક પૂજા માટે શ્રદ્ધાળુઓ એકઠા થયા હતા.
મૃતકોમાં બાળકો અને વૃદ્ધો પણ સામેલ છે
સ્થાનિક હોસ્પિટલના ડૉક્ટર સેયુમ અલ્તાયે જણાવ્યું હતું કે મૃતકોમાં કેટલાક બાળકો અને વૃદ્ધોનો પણ સમાવેશ થાય છે. "અત્યાર સુધી, 25 લોકોના મૃત્યુની પુષ્ટિ થઈ છે, અને 100 થી વધુ ઘાયલ થયા છે," તેમણે કહ્યું. તેમણે કહ્યું કે હોસ્પિટલ ઘાયલોની સંભાળ રાખવા માટે રેડ ક્રોસ પાસેથી મદદ માંગી રહી છે.
