આંખના ફ્લૂની સમસ્યામાં, આંખના સફેદ ભાગમાં ચેપ ફેલાય છે અને તેના કારણે દર્દીને ઘણી સમસ્યાઓનો સામનો કરવો પડે છે. આ રોગમાં ડૉક્ટર દર્દીને કાળા ચશ્મા પહેરવાની સલાહ આપે છે. આ ઉપરાંત સંક્રમિત વ્યક્તિએ અન્ય લોકોના સંપર્કમાં આવવાનું પણ ટાળવું જોઈએ. આંખના ફ્લૂના લક્ષણો દેખાય તો ઓવર ધ કાઉન્ટર દવાઓનું સેવન કરવાને બદલે દર્દીએ ડૉક્ટરની સલાહ લેવી જોઈએ.
આંખ આવી હોવાના લક્ષણો- Eye Flu Symptoms in Gujarati
આંખના ફલૂને કન્જક્ટિવાઈટિસને સામાન્ય રીતે આંખ આવવી અથવા ગુલાબી આંખ તરીકે પણ ઓળખવામાં આવે છે. આ સમસ્યા ચોમાસાની ઋતુમાં સૌથી વધુ થાય છે. આ સમસ્યામાં, તમારી આંખના સફેદ ભાગમાં ચેપ ફેલાય છે, જેના કારણે ઘણી તકલીફ થાય છે. આ સમસ્યા બાળકોમાં બેક્ટેરિયલ ઈન્ફેક્શનના ફેલાવાને કારણે થઈ શકે છે. આંખ આવે ત્યારે આંખોમાં દેખાય છે આ લક્ષણો
- આંખોમાં પાણી આવવુ અને ખંજવાળ આવવી
- લાલ આંખો થવી
વરસાદની ઋતુમાં આંખના ઈન્ફેક્શન કે આંખના ફ્લૂનું જોખમ વધારે રહે છે. આ સિઝનમાં હવામાં ફંગસ ઇન્ફેક્શનનું કારણ બનતા બેક્ટેરિયા વધી જાય છે. આંખનો ચેપ સામાન્ય રીતે એક આંખમાં શરૂ થાય છે અને બીજી આંખમાં ફેલાય છે. જો તમને આ લક્ષણો દેખાય તો તમારે તાત્કાલિક ડૉક્ટરનો સંપર્ક કરવો જોઈએ. વરસાદની મોસમમાં આંખના ચેપને રોકવા માટે, તમારે વરસાદમાં ભીના થવાનું ટાળવું જોઈએ. આ સિવાય પ્રદૂષિત હવામાં બહાર જતી વખતે ગોગલ્સ પહેરો.
