કાચા તેલની વધતી કિમંત વચ્ચે ડોલરની માંગ વધવાથી રૂપિયો આજે શરૂઆતી વેપારમાં 26 પૈસાના ઘટાડા સાથે 71 રૂપિયાના ન્યૂનતમ સ્તર પર પહોંચી ગયો. આંતરબેંક વિદેશી મુદ્રા બજારમાં ડોલર સામે રૂપિયો ગઈકાલે સ્થાનીક મુદ્રા 70.95 રૂપિયા પર ખુલ્યો અને પછી 71 રૂપિયાના સ્તર પર ચાલ્યો ગયો. રૂપિયો ગુરૂવારે 70.74 પર બંધ થયો હતો.
મુદ્રા વેપારીઓ મુજબ મહિનાના અંતમાં તેલ આયાતક તરફથી અમેરિકી કરેંસીની મજબૂત માંગ, ચીન અમેરિકા વચ્ચે વેપાર તનાવ સાથે વ્યાજ દર વધવાની આશામાં વિશ્વની અન્ય મુખ્ય મુદ્રાની તુલનામાં ડોલરના મજબૂત થવાથી ઘરેલુ મુદ્રા પર અસર પડી.
