ધોનીના ધુરંધરોએ એકવાર ફરી ઓસ્ટ્રેલિયા સામે ઘુંટણિયા ટેકી દીધા છે. બ્રિસ્બ્રેન ટેસ્ટમાં ચોથા દિવસે જ ઓસ્ટ્રેલિયાએ ભારતને ચાર વિકેટથી હરાવી દીધુ. આ રીતે ઓસ્ટ્રેલિયાએ ભારત પર 2-0ની બઢત બનાવીને પોતાની પકડ મજબૂત કરી લીધી છે. ભારતે પોતાના બીજા દાવમાં 224 રન બનાવીને ઓસ્ટ્રેલિયા સામે 128 રનનુ લક્ષ્ય મુક્યુ હતુ. જવાબમાં રમવા ઉતરેલ મેજબાન ટીમે 23.1 ઓવરમાં છ વિકેટ ગુમાવીને જીત મેળવી લીધી.
આ પહેલા પોતાના ઝડપી બોલરોનુ શ્રેષ્ઠ પ્રદર્શનના દમ પર ઓસ્ટ્રેલિયા ક્રિકેટ ટીમે ગાબા મેદાન પર બીજી ટેસ્ટ મેચના ચોથા દિવસે શનિવારે ભારતનો બીજો દાવ 224 રન પર સમેટી લીધો. આ રીતે ઓસ્ટ્રેલિયાને જીત માટે 128 રનનુ લક્ષ્ય મળ્યુ. ભારત તરફથી બીજા દાવમાં શિખર ધવને સૌથી વધુ 81 રન બનાવ્યા. આ ઉપરાંત ચેતેશ્વર પુંજારાએ 43 રનોની રમત રમી. ઉમેશ યાદવ પણ 30 રન બનાવવામાં સફળ થયા. ભારતે 64.3 ઓવરોનો સામનો કર્યો.