ભારતે લોર્ડ્સ ક્રિકેટ ગ્રાઉંડમાં ઈગ્લેંડને 151 રનથી હરાવીને પાંચ મેચોની ટેસ્ટ શ્રેણીમાં 1-0ની બઢત મેળવી લીધી છે. ઈગ્લેંડને આ મેચ જીતવા માટે 272 રનનો ટારગેટ મળ્યો હતો, જેના જવાબમાં ટીમ 120 રન પર ઓલઆઉટ થઈ ગયુ. ઈગ્લેંડ તરફથી કપ્તાન જો રૂટે 33 રનની સર્વાધિક રમત રમી. આ ઉપરાંત જોસ બટલરે પણ 25 રનની સંઘર્ષપૂર્ણ રમત રમી. ભારત તરફથી મોહમ્મદ સિરાજે સર્વાધિક 4 વિકેટ લીધી. આ ઉપરાંત જસપ્રીત બુમરાહે ત્રણ, ઈશાંત શર્માએ બે અને મોહમ્મદ શમીએ એક વિકેટ લીધી. બંને ટીમો વચ્ચે હવે સીરિઝની ત્રીજી ટેસ્ટ 25 ઓગસ્ટથી શરૂ થશે.
Love your never give up attitude Great win boys pic.twitter.com/3gHi5mOeBu
— Shikhar Dhawan (@SDhawan25) August 16, 2021
ટીમ ઈંડિયાએ બીજા દાવમાં આઠ વિકેટ પર 298 રન પર જાહેરાત કરી. બીજી ટેસ્ટના અંતિમ દિવસે ભારતના પૂંછડિયા બેટ્સમેનોએ કમાલની બેટિંગ કરી અને ટીમ માટે મહત્વપૂર્ણ રન જોડ્યા. જસપ્રીત બુમરાહ (Jasprit Bumrah) અને મોહમ્મદ શમી (Mohammed Shami)એ નવમી વિકેટ માટે 89 રનની હાફસેંચુરી ભાગીદારી કરી. આ ભારત માટે નવમી વિકેટ માટે સૌથી મોટી ભાગીદારી છે. શમી 56 અને બુમરાહ 34 રન બનાવીને અણનમ રહ્યા. બંનેએ ટેસ્ટ ક્રિકેટમાં પોતાનો સર્વોચ્ચ સ્કોર બનાવ્યો. આ ઉપરાંત ઈશાંત શર્માએ પણ ડબલ ફિગર પાર કરી. ઈંગ્લેન્ડે આ પૂંછડિયા બેટ્સમેનોને આઉટ કરવા માટે તમામ પ્રકારની રણનીતિ અપનાવી હતી પરંતુ સફળતા મળી ન હતી. આ દરમિયાન બુમરાહ અને શમીની અંગ્રેજી ખેલાડીઓ સાથે બોલચાલ પણ થઈ હતી. ઇંગ્લેન્ડ તરફથી માર્ક વુડે સૌથી વધુ ત્રણ વિકેટ લીધી હતી. બીજા દાવમાં ભારત તરફથી અજિંક્ય રહાણેએ સૌથી વધુ 61 અને ચેતેશ્વર પૂજારાએ 45 રન બનાવ્યા હતા. છેલ્લા દિવસની રમતમાં ઋષભ પંત 21 રન બનાવીને આઉટ થયો હતો. ભારતે ચોથા દિવસની રમતના અંતે છ વિકેટે 181 રન બનાવ્યા હતા. બંને ટીમો હાલ આ સીરિઝમાં 0-0થી બરાબરી પર છે. નોટિંઘમમાં બંને વચ્ચે રમાયેલી પ્રથમ ટેસ્ટ ડ્રો રહી હતી.
બુમરાહ અને શમીએ પોતાના અંગત બેસ્ટ સ્કોરનો રેકોર્ડ તોડ્યો
મોહમ્મદ શમીએ સિક્સ મારી ફિફ્ટી પૂરી કરી. 106મી ઓવર દરમિયાન મોઇન અલીના બોલ પર શમીએ 92 મીટર સિક્સ મારીને ફિફ્ટી પૂરી કરી હતી. આ એની બીજી ટેસ્ટ ફિફ્ટી છે. આની સાથે શમીએ પોતાનો છેલ્લો હાઇએસ્ટ સ્કોર 51 રનનો પણ રેકોર્ડ તોડ્યો હતો. વળી બુમરાહે પણ છેલ્લો હાઇએસ્ટ સ્કોર 28 રનનો રેકોર્ડ પણ તોડ્યો છે.
