30 માર્ચે રીલિઝ થયેલી ફિલ્મ ભોલામાં અજયની જબરદસ્ત એક્શને ધૂમ મચાવી હતી, જ્યારે તબ્બુની પોલીસગીરીએ ફરી બધાને ચોંકાવી દીધા હતા. એવું કહી શકાય કે ભોલા ફિલ્મ ફુલ ઓન એક્શન એન્ટરટેઈનર ફિલ્મ છે. ફિલ્મમાં અજય દેવગન અને તબ્બુ ઉપરાંત અમલા પોલ, દીપક ડોબરિયાલ, સંજય મિશ્રા અને મકરંદ દેશપાંડેએ ઉત્તમ અભિનય કર્યો છે. આખી સ્ટારકાસ્ટે ફિલ્મ માટે તગડી રકમ વસૂલ કરી છે. તો એ જ વીકએન્ડ પર 'ભોલા' જોવા માટે પ્રેક્ષકો થિયેટરોમાં ઉમટી પડ્યા હતા અને તેની સાથે જ ફિલ્મની કમાણીમાં પણ જોરદાર ઉછાળો આવ્યો છે. ચાલો જાણીએ કે 'ભોલા'એ રિલીઝના ચોથા દિવસે એટલે કે રવિવારે બોક્સ ઓફિસ પર કેટલા કરોડનો બિઝનેસ કર્યો છે.
