લોકો સાથે મિત્રતાની વાત કરતી પોલીસના વર્તનથી લોકોમાં અંદરખાને રોષ ભભૂકી રહ્યો છે. અમદાવાદમાં ઈસરો પાસે ટ્રાફિક ડ્રાઈવ દરમિયાન પોલીસ કર્મીઓ સાથે એક યુવાનની બોલાચાલી થઈ હતી ત્યારે ત્યાં હાજર પોલીસ કર્મીઓ એક યુવાન પર મારામારી પર ઉતરી આવ્યાં હતાં. તો બીજી બાજુ ગુરૂવારે રાત્રે સિટી પોલીસ મથકના કોન્સ્ટેબલે માંડવી રોડ ઉપર પી.આઇ.ની હાજરીમાં ખાણી-પીણી વેચતા અને સ્થાનિક લોકો ઉપર લાઠીચાર્જ કરતા દોડધામ મચી ગઇ હતી. પોલીસના વર્તન સામે લોકોમાં ભારે રોષ ભભૂકી ઉઠ્યો હતો. જેથી ઇન્ચાર્જ પી.આઇ.એ માફી માંગીને મામલો થાળે પાડ્યો હતો.
