Omicron updates : 'Omicron' હવે ભારતમાં ઝડપથી વધી રહ્યું છે, દર્દીઓની કુલ સંખ્યા 700ને પાર

ભારતમાં ઓમિક્રોનના વધતા જતા કેસોએ કેન્દ્રથી લઈને રાજ્ય સરકારની ચિંતા વધારી દીધી છે. જોખમને ધ્યાનમાં રાખીને, ઘણી રાજ્ય સરકારોએ રાત્રિ કર્ફ્યુની સાથે નિયંત્રણો જાહેર કર્યા છે. બીજી તરફ, મહારાષ્ટ્રમાં ઓમિક્રોનના સૌથી વધુ 167 કેસ છે, જ્યારે દિલ્હી 165 કેસ સાથે બીજા સ્થાને છે.

જ્યારે 78 કેસ સાથે ગુજરાત ત્રીજા સ્થાને છે. આ સિવાય અન્ય રાજ્યોની વાત કરીએ તો તેલંગાણા (62), તમિલનાડુ (45)માં કેસ છે. એટલે કે હવે દેશમાં ઓમિક્રોન સંક્રમિતોની કુલ સંખ્યા વધીને 781 થઈ ગઈ છે.

781 Omicron cases in India so far. 9,195 new COVID19 cases reported in the last 24 hours, active caseload at 77,002 pic.twitter.com/T856yGqZ0k

— ANI (@ANI) December 29, 2021

દેશમાં છેલ્લા 24 કલાકમાં 9195 કેસ નોંધાયા છે 
છેલ્લા 24 કલાકમાં દેશમાં કોરોનાના 9,195 કેસ નોંધાયા છે જ્યારે 302 લોકોના મોત થયા છે. બીજી તરફ, જો એક્ટિવ કેસની વાત કરીએ તો 77,002 બચી ગયા છે.

ગુજરાતમાં મંગળવારે કોરોના વાઇરસના નવા 394 કેસ વધ્યા છે, જે સોમવારે નોંધાયેલા 202 કેસ કરતાં લગભગ બમણાં છે.

રાજ્યના આરોગ્ય અને પરિવારકલ્યાણ વિભાગ દ્વારા જારી કરવામાં આવેલા આંકડા મુજબ મંગળવારના 394 પૈકી 178 કેસ અમદાવાદ કૉર્પોરેશનમાં નોંધાયા છે. જ્યારે 52 કેસ સાથે સુરત બીજા નંબરે અને 35 કેસ સાથે રાજકોટ ત્રીજા ક્રમાંકે છે.

જ્યારે 11 એવાં શહેરો છે, જેમાં કોરોનાનો એક પણ નવો કેસ નોંધાયો નથી.
ઓમિક્રૉન વૅરિયન્ટનાં ચાર નવા કેસ બાદ ગુજરાતમાં ઓમિક્રૉનના કેસની કુલ સંખ્યા 78 પર પહોંચી છે, જે પૈકી 24 દર્દીઓને રજા આપી દેવાઈ છે.