દિલ્હી: PM મોદીની મેટ્રોમાં મુસાફરી -વડા પ્રધાન નરેન્દ્ર મોદીએ શુક્રવારે દિલ્હી યુનિવર્સિટીના શતાબ્દી સમારોહમાં ભાગ લીધો હતો અને દિલ્હી યુનિવર્સિટી કમ્પ્યુટર સેન્ટર, ફેકલ્ટી ઑફ ટેક્નોલોજી બિલ્ડિંગ અને એકેડેમિક બ્લોકનો શિલાન્યાસ કર્યો હતો.
આ પહેલા વડાપ્રધાને યુનિવર્સિટીની અત્યાર સુધીની સફર પર એક પ્રદર્શનની પણ મુલાકાત લીધી હતી. આ કાર્યક્રમમાં હાજરી આપવા માટે વડાપ્રધાને મેટ્રોમાં સવારી કરી હતી. તેમણે લોક કલ્યાણ માર્ગ મેટ્રો સ્ટેશનથી દિલ્હી યુનિવર્સિટી મેટ્રો સ્ટેશન સુધી મુસાફરી કરી. આ દરમિયાન વડાપ્રધાન મુસાફરો સાથે વાતચીત કરતા જોવા મળ્યા હતા.
