મુંબઈમાં ફેમસ હોટલમાં આગ, 3ના મોત - મુંબઈના સાંતાક્રુઝ વિસ્તારમાં આવેલી પાંચ માળની હોટલમાં રવિવારે બપોરે અચાનક આગ ફાટી નીકળી હતી. આગમાં ઘાયલ પાંચ લોકોને હોટલમાંથી હોસ્પિટલમાં લઈ જવામાં આવ્યા હતા, જેમાંથી ત્રણ લોકોના મોત થયા છે.
પ્રાપ્ત માહિતી અનુસાર, આજે બપોરે લગભગ 1.17 વાગ્યે ગેલેક્સી હોટલના ત્રીજા માળે આગ લાગી હતી. અધિકારીઓએ જણાવ્યું કે, સાંતાક્રુઝ પૂર્વના પ્રભાત કોલોની વિસ્તારમાં આવેલી ગેલેક્સી હોટલમાં રવિવારે બપોરે અચાનક આગ લાગી હતી. આગને કાબુમાં લેવામાં આવી છે.
