BSF દ્વારા જારી કરાયેલા એક નિવેદનમાં જણાવવામાં આવ્યું છે કે, BSF ગુજરાતમાં કાયમી થાણા સ્થાપીને સરક્રીક અને હરામી નાલા વિસ્તારમાં તેની પકડ વધુ મજબૂત કરી રહ્યું છે. BSF 7,419 કિલોમીટર લાંબી ભારત-પાકિસ્તાન સરહદની રક્ષા કરે છે. 250 કરોડની કિંમતના હેરોઈનના પચાસ પેકેટ અને રૂ. 2.49 કરોડની કિંમતના 61 પેકેટ પણ ગુજરાતના દરિયાકાંઠાના અને ખાડી વિસ્તારોમાંથી જપ્ત કરવામાં આવ્યા હતા, એમ ફોર્સે જણાવ્યું હતું.
વધુમાં જણાવ્યું હતું કે 22 ભારતીયો, ચાર પાકિસ્તાનીઓ, બે કેનેડિયનો અને એક રોહિંગ્યાની ગેરકાયદેસર સીમા પાર પ્રવૃત્તિઓમાં કથિત સંડોવણી બદલ સરહદના વિવિધ સ્થળોએ ધરપકડ કરવામાં આવી હતી. BSF ગુજરાતે આઝાદી કા અમૃત મહોત્સવના ભાગરૂપે દિલ્હીથી કન્યાકુમારી સુધી સાયકલ રેલી જેવા વિવિધ કાર્યક્રમોનું સફળતાપૂર્વક આયોજન કર્યું હતું, એમ નિવેદનમાં જણાવાયું છે.
BSF ગુજરાતે રાજ્ય સરકારના સહયોગથી 31 ઓક્ટોબર 2022ના રોજ કેવડિયા ખાતે રાષ્ટ્રીય એકતા દિવસની પરેડનું સફળતાપૂર્વક આયોજન કર્યું હતું જેમાં વડા પ્રધાન નરેન્દ્ર મોદી મુખ્ય અતિથિ હતા. નિવેદનમાં વધુમાં જણાવ્યું હતું કે, BSF ગુજરાતે વિવિધ નાગરિક કાર્યક્રમોનું આયોજન કર્યું હતું અને દુકાનોને આવશ્યક ચીજવસ્તુઓ પૂરી પાડી હતી અને સરહદી વસ્તી માટે મફત મેડિકલ કેમ્પ અને સરકારી યોજનાઓ અંગે જાગૃતિ કાર્યક્રમોનું આયોજન કર્યું હતું.
