કૂતરુ દુનિયાનુ સૌથી વફાદાર જાનવર હોય છે. આ જ કારણ છે કે માણસ અને કૂતરા વચ્ચે ગજબની દોસ્તી વાળી અનેક સ્ટોરી તમે સાંભળી હશે. પણ કેટલાક લોકો એવા હોય છે જે જાનવર સાથે અમાનવીય વ્યવ્હાર કરે છે. આવો જ એક મામલો યુપીના બાગપત જીલ્લામાંથી આવ્યો છે. જ્યા એક યુવકે કૂતરાને બળજબરીપૂર્વક દારૂ પીવડાવ્યો. આ મામલો રમાલા પોલીસ મથક ક્ષેત્રના કિરઠલ ગામનો છે.
કૂતરાને બોટલ દ્વારા દારૂ પીવા કર્યો મજબૂર
આ ઘટનાનો વીડિયો સોશિયલ મીડિયા પર વાયરલ થયા બાદ, પોલીસે તાત્કાલિક કાર્યવાહી કરી અને આરોપીની ધરપકડ કરી. વાયરલ વીડિયોમાં, આરોપી જીતેન્દ્ર હાથમાં બોટલ સાથે કૂતરાને બળજબરીથી દારૂ પીવડાવતો જોવા મળ્યો હતો. આ વીડિયો રાતોરાત સોશિયલ મીડિયા પર ઝડપથી ફેલાઈ ગયો.
સામાજિક કાર્યકરોની માંગણીઓ અને પોલીસ કાર્યવાહી
વીડિયો વાયરલ થતાંની સાથે જ, સામાજિક કાર્યકરોએ તેને પ્રાણી ક્રૂરતાનો કેસ ગણાવ્યો અને કડક પોલીસ કાર્યવાહીની માંગ કરી. પોલીસે તાત્કાલિક કેસ નોંધ્યો અને વીડિયોના આધારે આરોપીની ઓળખ કરી ધરપકડ કરી. આ કેસમાં હવે વધુ કાર્યવાહી ચાલુ છે.
