ઇમરાન ખાને માંદગી દરમિયાન કાળજી લીધી ન હતી
અબ્દુલ કાદિર ખાને હોસ્પિટલમાં દાખલ થવા દરમિયાન આરોપ લગાવ્યો હતો કે, દેશની આટલી સેવા કર્યા બાદ ન તો વડાપ્રધાન ઈમરાન ખાન કે ન તો તેમના મંત્રીમંડળના કોઈ સભ્યએ તેમની સંભાળ લીધી. અબ્દુલ કાદિરે ન્યૂઝ ચેનલને આપેલા એક ઈન્ટરવ્યુમાં કહ્યું હતું કે મને ખૂબ જ દુ:ખ થયું છે કે ન તો પ્રધાનમંત્રી કે તેમના મંત્રીમંડળના સભ્યોએ મારા સ્વાસ્થ્ય વિશે પૂછ્યું છે.
સરકાર દ્વારા તેમને પદ પરથી દૂર કરવામાં આવ્યા હતા
પાકિસ્તાનના પરમાણુ કાર્યક્રમના જનક તરીકે ઓળખાતા કાદિર ખાનને પરમાણુ પ્રસારની કબૂલાત કર્યા બાદ પદ પરથી હટાવી દેવામાં આવ્યા હતા. તેને હટાવ્યા બાદથી ખાનને ઈસ્લામાબાદના એક વિસ્તારમાં ભારે સુરક્ષા હેઠળ રાખવામાં આવ્યા હતા. જો કે, વહીવટીતંત્રનું કહેવું છે કે સુરક્ષાના કારણોસર તેમને આ રીતે રાખવામાં આવ્યા છે.
