કર્ણાટકમાં કોંગ્રેસ-જેડીએસ સામે ભાજપે નાકલીટી તાણવી પડી છે. હવે ભાજપ હાઇકમાન્ડે ગુજરાત તરફ નજર ફેરવી છે કેમકે, છેલ્લા કેટલાંય સમયથી ભાજપના સંગઠનના ઠેકાણાં જ નથી.પ્રદેશ પ્રમુખ જીતુ વાઘાણીની નિયુક્તિ થયા ટીમમાં કોઇ ફેરફાર થઇ શક્યા નથી.ભાજપ સરકાર અને સંગઠન વચ્ચે તાલમેલ નથી પરિણામે સરકારની કામગીરી લોકો સુધી પહોંચી શકી નથી. આ ઉપરાંત અમિત શાહ- આનંદીબેન પટેલ જૂથો વચ્ચેના રાજકીય ટકરાવને લીધે ભાજપ પ્રદેશ પ્રમુખનો કાંટાળો તાજ કોઇ પહેરવા રાજી નથી. ભાજપમાં અંદરખાને નેતા-કાર્યકરોમાં ભારે મતભેદ પ્રવર્તી રહ્યા છે.
