પ્રેમની આ તે કેવી પરીક્ષા - હાથમાં બેડીઓ બાંધીને ગર્લફ્રેંડને કારની છત પર બાંધી, પછી આખા શહેરમાં ફેરવી

ઘણીવાર કપલ પોતાનો પ્રેમ અને વિશ્વાસ બતાવવા માટે વિચિત્ર હરકત કરે છે. એક રશિયન સોશિયલ મીડિયા ઈંફ્લુએંઝરે આવું જ કંઈક કર્યું જે  વાયરલ થઈ થતા લોકોએ તેની ટીકા શરૂ કરી. આ યુવકે પહેલા તેની ગર્લફ્રેન્ડને કારની છત પર બાંધી, પછી આખા શહેરમાં તેને ફેરવી. યુવકે પોતે જ આ ઘટનાનો વીડિયો શેયર કર્યો છે.

ઉલ્લેખનીય છે કે  આ ઘટના રશિયાની રાજધાની મોસ્કોની છે. અહીં લોકો રસ્તા પર એક દ્રશ્ય જોઈને આશ્ચર્યચકિત થઈ ગયા જ્યારે એક યુવક એક યુવતીને કારની છત પર બાંધીને તેને ફેરવી રહ્યો હતો. આ યુવાનનું નામ સર્ગેઈ કોસેન્કો છે. આ રશિયાનો સોશિયલ મીડિયા ઈંફ્લુએંજર છે. સ્ટંટ દરમિયાન યુવકે તેની ગર્લફ્રેન્ડને કારની છત સાથે બાંધીને શહેરમાં ફેરવી અને આ દરમિયાન સેંકડો લોકો બંનેને જોતા રહ્યા.

વીડિયોમાં જોવા મળી રહ્યું છે કે સર્ગેઈ પોતાની ગર્લફ્રેન્ડને કારની છત પર બાંધીને રસ્તા પર નીકળી ગયો હતો. આ દરમિયાન સર્ગેઈનો એક હાથ તેની ગર્લફ્રેન્ડના હાથમાં હાથકડી સાથે બાંધેલો હતો. તેણે પોતાની ગર્લફ્રેંડને દોરડા અને ટેપથી છત સાથે બાંધી હતી. સર્ગેઈ કાર પોતે જ ચલાવી રહ્યો હતો. 

સર્ગેઈ બિંદાસ પોતાની ગર્લફ્રેન્ડને દોરડા અને ટેપથી કારની છત પર બાંધીને શહેરના રસ્તાઓ પર ફેરવી રહ્યો હતો અને ત્યાંથી પસાર થતા લોકો આ દ્રશ્યને આશ્ચર્યથી જોઈ રહ્યા છે. બંનેના હાથનો સાથ છુટી ન જાય તે માટે હાથકડી પણ બાંધવામાં આવી છે.

જોકે પ્રેમના પારખા કરવાની આ રીત લોકોને બિલકુલ ગમી નહી.  લોકો સોશિયલ મીડિયા પર તેની ટીકા પણ કરી રહ્યા છે. એટલું જ નહીં, પોલીસે તેના પર ભારે દંડ પણ લગાવ્યો છે. તેમજ સોશિયલ મીડિયા પર મુકવામાં આવેલા વીડિયોના આધારે પોલીસ પણ આ મામલાની તપાસ કરી રહી છે. જોકે, તેણે આ હરકત  માટે માફી પણ માંગી છે. અહીં જુઓ વીડિયો 

View this post on Instagram

A post shared by Sergey Kosenko (@sergey_kosenko)