Cheaper and Costlier Things: 1 એપ્રિલથી આ વસ્તુઓ મોંઘી થશે, સસ્તામાં અત્યારે જ ખરીદી લો

1 એપ્રિલથી શું સસ્તુ- શું મોંઘુ? - 31 માર્ચ પછી 1 એપ્રિલથી નવું નાણાકીય વર્ષ શરૂ થશે. નવા નાણાકીય વર્ષની શરૂઆત સાથે, ઘણા ફેરફારો થશે. સામાન્ય માણસ પર મોંઘવારીનો બોજ વધશે. નવા નાણાકીય વર્ષની શરૂઆત સાથે જ ઘણી વસ્તુઓ મોંઘી થઈ જશે. જેની સીધી અસર સામાન્ય માણસના ખિસ્સા પર પડશે. વાસ્તવમાં, 1 ફેબ્રુઆરીએ રજૂ કરાયેલા સામાન્ય બજેટમાં ઘણી વસ્તુઓ પર ટેક્સ વધારવાના કારણે, તેમની કિંમતમાં વધારો કરવો પડ્યો છે. આ નિયમ 1 એપ્રિલ 2023થી લાગુ થશે.

શું સસ્તું થશે

1 એપ્રિલ 2023થી ઘણી વસ્તુઓ પર કસ્ટમ ડ્યૂટી 5 ટકાથી ઘટાડીને 2.5 ટકા કરવામાં આવી છે. તેનાથી આ વસ્તુઓની કિંમતમાં ઘટાડો થશે. આ વસ્તુઓમાં મોબાઈલ ફોન, કેમેરા, એલઈડી ટીવી, બાયોગેસને લગતી વસ્તુઓ, ઈલેક્ટ્રીક કાર, રમકડાં, હીટ કોઈલ, હીરાના આભૂષણો, બાયોગેસ સંબંધિત વસ્તુઓ, સાઈકલ વગેરેનો સમાવેશ થાય છે.

આ વસ્તુઓ મોંઘી થશે

1 એપ્રિલથી સોના-ચાંદી અને તેમાંથી બનેલી જ્વેલરી, પ્લેટિનમ, આયાતી દરવાજા, રસોડાની ચીમની, વિદેશી રમકડાં, સિગારેટ અને એક્સ-રે મશીન વગેરે સસ્તું થશે. આ વસ્તુઓ પર ટેક્સ ઘટાડવાની જાહેરાત નાણામંત્રીએ 1 ફેબ્રુઆરીએ રજૂ કરેલા બજેટમાં કરી હતી.

UPI દ્વારા ટ્રાન્ઝેક્શન પણ મોંઘા થશે

નેશનલ પેમેન્ટ્સ કોર્પોરેશન ઓફ ઈન્ડિયા (NPCI) દ્વારા યુનિફાઈડ પેમેન્ટ્સ ઈન્ટરફેસ (UPI) દ્વારા વેપારી વ્યવહારો પર ચાર્જ વસૂલવાની ભલામણ કરવામાં આવી છે. 

આ ફેરફાર 1 એપ્રિલથી લાગુ થઈ શકે છે. પરિપત્ર મુજબ, 1 એપ્રિલથી 2,000 રૂપિયાથી વધુના ટ્રાન્ઝેક્શન પર 1.1 ટકા સરચાર્જ લાદવાનું સૂચન કરવામાં આવ્યું છે. આ ચાર્જ મર્ચન્ટ ટ્રાન્ઝેક્શન એટલે કે વેપારીઓને પેમેન્ટ કરનારા ગ્રાહકોને આપવાનો રહેશે.

એલપીજી સિલિન્ડર

એલપીજી સિલિન્ડરની કિંમતની સમીક્ષા દર મહિનાની પહેલી તારીખે કરવામાં આવે છે. આ 1 એપ્રિલે પેટ્રોલિયમ કંપનીઓ દ્વારા કિંમતમાં વધારો કરવામાં આવી શકે છે. આ પહેલા 1 માર્ચે કંપનીઓએ સિલિન્ડરની કિંમતમાં 50 રૂપિયાનો વધારો કર્યો હતો. જે બાદ દિલ્હીમાં તેની કિંમત વધીને 1103 રૂપિયા થઈ ગઈ હતી. અગાઉ તે રૂ.1053માં ઉપલબ્ધ હતું. આશા છે કે ઓઈલ કંપનીઓ આ વખતે પણ સિલિન્ડરના દરમાં વધારો કરી શકે છે.

કારની કિંમતમાં પણ વધારો થશે

જો તમે કાર ખરીદવાનું વિચારી રહ્યા છો, તો તે પણ 1 એપ્રિલથી મોંઘી થઈ જશે. ટાટા મોટર્સ, હીરો મોટો કોર્પ અને મારુતિએ વાહનોની કિંમતમાં વધારો કરવાની જાહેરાત કરી છે. નવી કિંમતો 1 એપ્રિલથી લાગુ થશે. કંપનીઓ દ્વારા અલગ-અલગ મોડલના આધારે કિંમતમાં વધારો કરવામાં આવશે.