સોનૂ સૂદની (Sonu Sood) 6 જગ્યાઓ પર આયકર વિભાગે (Income Tax) ગત અઠવાડિયે રેડ પાડી હતી જ્યાર બાદ તેમના ફાઉન્ડેશનમાં (Foundation) આવેલા ફંડ્સને લઇને સવાલો ઉભા થયા હતા. સોનૂ સૂદ પર ચોરીના પણ આરોપો લાગ્યા છે જોકે તમામ ઓરોપોનું અભિનેતાએ ખંડન કર્યુ છે. હાલમાં જ એક મીડિયા હાઉસને આપેલા ઇન્ટરવ્યૂમાં સોનૂ સૂદે આયકર વિભાગની કાર્યવાહી અને હૈદરાબાદમાં (Hyderabad) હોસ્પિટલ ખોલવાના આયોજન પર વાત કરી
સોનુ સૂદે કહ્યું કે કોઇ પણ ફાઉન્ડેશન પાસે તેમને મળેલા ફંડ્સનો ઉપયોગ કરવાની એક વર્ષની સીમા હોય છે. જો ફંડ઼્સનો ઉપયોગ તે એક વર્ષમાં ના થઇ શકે તો તમે તેનો ઉપયોગ આગામી વર્ષે કરી શકો છે. આ નિયમ છે. મે આ ફાઉન્ડેશનને કેટલાક મહિના અગાઉ જ કોરોના મહામારીની બીજી લહેરના સમયે રજીસ્ટર કરાવ્યું હતું. પ્રથમ લહેર દરમિયાન મે પ્રવાસીઓની મદદ કરવાનું શરૂ કર્યું તો મારી પાસે એવા લોકો હતા જેમણે પ્રવાસીઓ માટે બસ બુક કરવાની ઓફરો કરી હતી. અમે ત્યારે પૈસા એકઠા કર્યા નહોતા.
