Israel Vs Iran Army - ઈરાન અને ઈઝરાયેલમાં કોણ છે વધુ તાકતવર ? જાણો કોની સેનામાં છે કેટલો દમ
ગુરુવાર, 3 ઑક્ટોબર 2024 (15:17 IST)
Israel Vs Iran Army: ઈઝરાયલ અને ઈરાન વચ્ચે યુદ્ધના આસાર જોવા મળી રહ્યા છે. ઈરાને ઈઝરાયેલ પર બૈલિસ્ટિક મિસાઈલો દ્વારા હુમલો કર્યો છે. ઈરાન તરફથી કરવામાં આવેલ હુમલા બાદ ઈઝરાયલના પ્રધાનમંત્રી બેંજામિન નેતન્યાહૂએ કહ્યુ કે ઈરાને મિસાઈલો દાગીને ખૂબ મોટી ભૂલ કરી છે. તેમણે કહ્યુ કે ઈરાનને તેની કિમંત ચુકવવી પડશે. પશ્ચિમ એશિયામાં તનાવ ચરમ પર છે. તો ચાલો જાણીએ કે ઈઝરાયેલ અને ઈરાનમાં કોણ કેટલુ શક્તિશાળી છે ? કોની સેના મજબૂત છે અને કોની પાસે કેટલા હથિયાર છે ?
કોની અંદર કેટલો દમ
ઈઝરાયેલ અને ઈરાન બંને જ મઘ્ય પૂર્વના મુખ્ય દેશ છે અને તેમની સૈન્ય શક્તિઓની સરખામણી કરીએ તો તે દર્શાવે છે કે બંને દેશો પાસે આધુનિક શસ્ત્રો છે. ઈઝરાયેલ કે ઈરાન, કોની સેના વધુ છે તે આંકડા પરથી સ્પષ્ટ થઈ જશે. ધ સનના એક અહેવાલ મુજબ ઈરાન રક્ષા બજેટના મામલામાં ઈઝરાયલથી પાછળ છે, પરંતુ સક્રિય સૈનિકોની સંખ્યાના મામલે ઈરાન ઈઝરાયેલ કરતા ઘણું આગળ છે. રિપોર્ટ અનુસાર ઈઝરાયેલનું સંરક્ષણ બજેટ ઈરાન કરતા વધુ છે. આ રીતે ઈરાન અને ઈઝરાયેલની સૈન્ય શક્તિને સમજી શકાય છે.
ઇઝરાયેલ
ઇઝરાયેલ ડિફેન્સ ફોર્સિસ (IDF) ની ત્રણ મુખ્ય શાખાઓ છે. આર્મી, એરફોર્સ અને નેવી.
ઇઝરાયેલી લશ્કરી સેવા ફરજિયાત છે, જેના કારણે દરેક નાગરિક લશ્કરી તાલીમ મેળવે છે.
ઈઝરાયેલ પાસે અત્યાધુનિક શસ્ત્ર પ્રણાલી, ડ્રોન અને મિસાઈલ ટેકનોલોજી છે.
ઇઝરાયેલી એરફોર્સ F-35 લાઈટનિંગ II જેવા અત્યાધુનિક ફાઇટર એરક્રાફ્ટથી સજ્જ છે.
ઈરાન
ઈરાનની સેનામાં પણ ત્રણ મુખ્ય શાખાઓ છે. થલ સેના, વાયુ સેના અને નૌસેના. આ સાથે જ એક મહત્વપૂર્ણ ભૂમિકા નિભાવે છે ઈરાનની ઈસ્લામિક રિવોલ્યુશનરી ગાર્ડ કોપ્સ (IRGC).
ઈરાનની પાસે મોટી સંખ્યામાં સૈનિક છે ણ તેની સૈન્ય સેવા અનિવાર્ય નથી.
ઈઝરાયેલના ડિફેંસ સિસ્ટમ પર એક નજર
આયરન ડોમ
આયરન ડોમ ઇઝરાયેલની એક ખૂબ જ ખાસ એર ડિફેન્સ સિસ્ટમ છે. સિસ્ટમ ટૂંકા અંતરની મિસાઇલો અને રોકેટને ટ્રેક કરવા અને અટકાવવા માટે બનાવવામાં આવી છે. આયર્ન ડોમનો મુખ્ય હેતુ નાગરિક વિસ્તારોને નિશાન બનાવતા હુમલાઓને રોકવાનો છે. તેનો સફળતા દર 90 ટકાથી વધુ માનવામાં આવે છે.
ડેવિડ સ્લિંગ
ડેવિડ્સ સ્લિંગ સિસ્ટમનો હેતુ મધ્યમ અંતરની મિસાઈલોને નષ્ટ કરવાનો છે. તે 2017 માં સક્રિય કરવામાં આવ્યું હતું અને તે આયર્ન ડોમનું અપગ્રેડ છે. આ સિસ્ટમ ખાસ કરીને મિસાઇલો માટે છે જે આયર્ન ડોમની રેન્જની બહાર હોય છે. તેનો ઉપયોગ ઈઝરાયેલની સુરક્ષાને વધુ મજબૂત બનાવે છે.
એરો સિસ્ટમ, જે એરો 2 અને એરો 3 તરીકે બે મુખ્ય સંસ્કરણોમાં જોઈ શકાય છે, તે લાંબા અંતરની બેલિસ્ટિક મિસાઈલોનો નાશ કરવા માટે રચાયેલ છે. એરો 3 ખાસ કરીને ઉપગ્રહો અને બેલિસ્ટિક મિસાઇલો માટે વિકસાવવામાં આવ્યું છે અને તેનો હેતુ અવકાશમાં પણ મિસાઇલોને અટકાવવાનો છે. આ સિસ્ટમ ઈઝરાયેલને અત્યંત સુરક્ષિત બનાવે છે.
ઈરાનની સંરક્ષણ પ્રણાલી
બાવર 373
બાવર 373 સપાટીથી હવામાં પ્રહાર કરતી મિસાઇલ સિસ્ટમ છે. તેને S-300ની સમાંતર વિકસાવવામાં આવી છે. સિસ્ટમ 200 કિમી સુધીની રેન્જમાં લક્ષ્યાંકોને હિટ કરી શકે છે અને 27 કિમી સુધીની ઉંચાઈ પર લક્ષ્યોને જોડી શકે છે.
એસ-300
ઈરાને રશિયા પાસેથી S-300 મિસાઈલ ડિફેન્સ સિસ્ટમ ખરીદી છે. આ સિસ્ટમ ઉંચાઈ પર ઉડતા એરક્રાફ્ટ અને મિસાઈલને નષ્ટ કરવામાં સક્ષમ છે.
ખોરદાદ 15
ખોરદાદ 15 બીજી ખૂબ જ મહત્વપૂર્ણ ઈરાની એર ડિફેન્સ સિસ્ટમ છે. તે 150 કિમી સુધીના અંતરે લક્ષ્યોને ઓળખી શકે છે અને 120 કિમી સુધીના અંતરે લક્ષ્યોને જોડે છે. ઈરાનની નૌકાદળ પણ વિવિધ સંરક્ષણ પ્રણાલીઓથી સજ્જ છે. જેમાં કોસ્ટલ ડિફેન્સ મિસાઈલ, સબમરીન વિરોધી યુદ્ધ જહાજો અને દરિયાઈ રડારનો સમાવેશ થાય છે.
પરમાણુ શક્તિ
ઇઝરાયેલે ક્યારેય તેના પરમાણુ શસ્ત્રો કાર્યક્રમને જાહેરમાં સ્વીકાર્યો નથી, પરંતુ તેની પાસે પરમાણુ શસ્ત્રો હોવાનું માનવામાં આવે છે. બીજી તરફ, ઈરાનનો પરમાણુ કાર્યક્રમ વિવાદાસ્પદ છે, અને તેમણે પરમાણુ હથિયાર વિકસિત કરવાની કોશિશોને નકારી છે.
સાઈબર ક્ષમતાઓ
ઈઝરાયેલ સાઈબર યુદ્ધ અને રક્ષાના ક્ષેત્રમાં અગ્રણી છે. તેમની પાસે ઉમદા સાઈબર સુરક્ષા ક્ષમતાઓ છે અને તે સાઈબર હુમલાને પ્રભાવી ઢંગથી મુકાબલો કરી શકે છે. ઈરાન પણ સાઈબર યુદ્ધમાં સક્રિય છે. પણ તેની ક્ષમતાઓ ઈઝરાયેલના મુકાબલે સીમિત છે.
ગઠજોડ અને સમર્થન
ઈઝરાયેલના પ્રમુખ સમથક સંયુક્ત રાજ્ય અમેરિકા છે, જે તેને આર્થિક અને સૈન્ય સહાયતા પ્રદાન કરે છે. તેનાથી વિપરિત ઈરાનના સમર્થનમાં રૂસ અને ચીન જેવા દેશ સામેલ છે, પણ તેને પશ્ચિમી દેશો પરથી પ્રતિબંધોનો સામનો કરવો પડે છે.
આ પણ જાણી લો
સૈન્ય શક્તિની તુલનામાં ઈઝરાયેલ અને ઈરાન બંને પાસે પોત પોતાની ક્ષમતાઓ છે. ઇઝરાયેલની ઉચ્ચ તકનીકી સૈન્ય ક્ષમતાઓ અને મજબૂત જોડાણ તેને નોંધપાત્ર ફાયદો આપે છે. બીજી તરફ, ઈરાનની મોટી વસ્તી, પ્રદેશ અને બેલેસ્ટિક મિસાઈલોનો ભંડાર તેને સ્થાનિક શક્તિ બનાવે છે. બંને દેશો વચ્ચે સંઘર્ષની સ્થિતિમાં, કોણ વધુ મજબૂત સાબિત થશે તેના પર ઘણા પરિબળો પ્રભાવિત કરશે.
ઈરાન પાસે બેલેસ્ટિક મિસાઈલોનો મોટો ભંડાર છે અને તે તેની મિસાઈલ ટેકનોલોજીને સતત અપગ્રેડ કરી રહ્યું છે.
