ભારતીય શેરબજારે બજેટને આવકાર્યુ છે. મંગળવારે સવારે સેન્સેક્સ 582.85 પોઈન્ટ વધીને 58,597.02 પોઈન્ટ પર ખુલ્યો હતો. બીજી તરફ નિફ્ટી 156.20 પોઈન્ટના વધારા સાથે 17,496.0 પોઈન્ટ પર ખુલ્યો હતો. ટ્રેડિંગ સેશન દરમિયાન, સેન્સેક્સ થોડા સમય માટે 700 પોઈન્ટથી વધુ ઉછળ્યો હતો અને 58,750.98 પર ટ્રેડ કરી રહ્યો હતો. એ જ રીતે નિફ્ટી 17,522 પર જોવા મળ્યો હતો.
સોમવારે સેન્સેક્સ 813 પોઈન્ટ ઉછળીને 58,014.17 પર બંધ રહ્યો હતો. બીજી તરફ નિફ્ટી 237 પોઈન્ટના વધારા સાથે 17,339 પર પહોંચી ગયો હતો. છેલ્લા ઘણા સત્રોથી વેચવાલીનો માર સહન કરી રહેલા શેરબજારને બજેટથી રાહત મળવાની આશા છે.
