શુક્રવારે વૈશ્વિક દરોમાં ઘટાડાને કારણે રાષ્ટ્રીય પાટનગરના બુલિયન માર્કેટમાં સોનું 239 રૂપિયા તૂટીને રૂ .45,568 પર પહોંચી ગયું છે. એચડીએફસી સિક્યોરિટીઝ અનુસાર ગુરુવારે સોનું 10 ગ્રામ દીઠ 45,807 રૂપિયા પર બંધ થયું હતું.
ચાંદીની વાત કરીએ તો, તે રૂ. 723 ઘટીને રૂ. 67,370 પર બંધ થયું હતું, જે તેની અગાઉના બંધ ભાવ રૂ. 68,093 હતું. આંતરરાષ્ટ્રીય બજારમાં સોનું એક ઓંસના 1,774 ડ ડૉલર સુધી પહોંચી ગયું છે, જ્યારે ચાંદી લગભગ ઑંસના 26.94 યુએસ ડૉલરની સપાટીએ રહી છે.
કોવિડ -19 ને કારણે અસરગ્રસ્ત ઝવેરાતની માંગ
વર્લ્ડ ગોલ્ડ કાઉન્સિલ (ડબ્લ્યુજીસી) ના અહેવાલમાં જણાવાયું છે કે ભારતની સોનાની માંગ 2019 માં 690.4 ટનથી 2020 માં 35.34 ટકા ઘટીને 446.4 ટન રહી છે. ડબ્લ્યુજીસીના ડેટા અનુસાર ગયા વર્ષે વેલ્યુ દ્વારા સોનાની માંગ 14 ટકા ઘટીને રૂ. 1,88,280 કરોડ થઈ છે. વર્ષ 2019 માં મૂલ્ય પ્રમાણે સોનાની માંગ 2,17,770 કરોડ રૂપિયા હતી. દરમિયાન, ઝવેરાતની કુલ માંગ 2020 માં 42 ટકા ઘટીને 315.9 ટન રહી છે, જે 2019 માં 544.6 ટન હતી. મૂલ્યની દ્રષ્ટિએ, તે પાછલા વર્ષના 1,71,790 કરોડ રૂપિયાની સરખામણીએ 22.42 ટકા ઘટીને 1,33,260 કરોડ રૂપિયા રહ્યો છે. કોવિડ -19 ના કારણે લાગુ કરાયેલા કર્બ્સને કારણે જ્વેલરીની માંગને અસર થઈ હતી.
ભાવ વધઘટનાં મુખ્ય કારણો
અમેરિકન ડૉલરમાં વધઘટ, કોરોના વાયરસના વધતા જતા કેસો અને સંબંધિત પ્રતિબંધો, મુખ્ય અર્થવ્યવસ્થાઓનો મિશ્ર આર્થિક ડેટા અને વધારાના ઉત્તેજનાના પગલાને કારણે સોના અને ચાંદીના ભાવમાં વધઘટ થાય છે. વિશ્લેષકો કહે છે કે છેલ્લા કેટલાક સપ્તાહમાં સોનાના ભાવનો સૌથી મોટો પરિબળ રસીના મોરચા પર પ્રગતિ છે.
