મહેન્દ્ર સિંહ ધોનીએ સાથી ક્રિકેટરોના પગલે ચાલતા ઈંડિયન સુપર લીગ(આઈએસએલ)ની ટીમ ખરીદી લીધી છે. તેઓ ચેન્નઈ ફ્રેંચાઈજીની ટીમ(ચેન્નઈયન એફસી)ના સહમાલિક બની ગયા છે. ધોની આ સાથે જ ક્રિકેટ અને ફુટબોલ બંનેની લીગમાં ચેન્નઈ ફ્રેંચાઈજી સાથે જોડાય ગયા છે. ટી 20 ક્રિકેટ લીગ આઈપીએલમાં તેઓ ચેન્નઈ સુપરકિંગ્સના કપ્તાન છે. 12 ઓક્ટોબરથી શરૂ થઈ રહેલ આઈએસએલમાં આઠ ટીમો છે.
ગયા મહિને સ્ટાર બેટ્સમેન વિરાટ કોહલીએ ગોવા ટીમમાં ભાગીદારી ખરીદી હતી. બીજી બાજુ સચિન તેડુલકર કેરલા બ્લાસ્ટર્સના સહમાલિક છે. જ્યારે કે સૌરવ ગાંગુલી એટલેટિકો ડી કોલકાતાના સહમાલિક છે. આઈએસએલની શરૂઆત કોલકાતામાં 12 ઓક્ટોબરથી થશે અને તેની ફાઈનલ 20 ડિસેમ્બરના રોજ રમાશે. ધોની આઈપીએલમાં ચેન્નઈ સુપરકિંગ્સના કપ્તાન છે અને તેઓ ત્યા ખૂબ લોકપ્રિય છે. કદાચ એ માટે જ તેમણે ચેન્નઈ ટીમમાં ભાગીદારી ખરીદી છે. ફુટબોલ ટીમ ઉપરાંત ધોની મોટર રેસિંગ ટીમના પણ માલિક છે.